Jeke kásipkerlerdiń bastamasymen qala aýmaǵynda eki úlken muz alańy salynady. Birinshi muz aıdyny Baıtursynov kóshesi boıyndaǵy Sport saraıy janynda ornalasady. Muz alańynyń kólemi – 550 sharshy metr. Aı saıyn kelýshiler sany shamamen 20-30 myń adamǵa jetedi degen boljam bar. Ekinshi muz aıdyny Arbat alleıasynda boı kóteredi. Onyń jalpy aýdany 1 830 sharshy metrdi quraıdy. Bul muz aıdynyna aı saıyn kelýshiler sany 50-60 myń adam shamasynda bolady degen jospar bar.
Jańa joba birinshi kezekte qala turǵyndary men qonaqtaryna qolaıly ári qaýipsiz qysqy demalystaryn uıymdastyryp berýge baǵyttalsa, ekinshiden muz aıdyndary megapolıstiń sporttyq jáne mádenı ómirindegi eleýli jańalyqtyń biri bolmaq.