Oblystyq aýyl sharýashylyǵy basqarmasynyń dereginshe, bıyl egis alqaby 500 myń gektardy quraǵan. Ásirese qant qyzylshasyna basymdyq berilip, onyń kólemi oblys qurylǵannan beri 4,2 myń gektardan 12,2 myń gektarǵa deıin ulǵaıdy. Byltyr qant qyzylshasynyń jalpy túsimi 630 myń tonnaǵa jetip, óńir rekord jańartqan.
Salaǵa tartylǵan ınvestısııalar da artyp keledi. 2023 jyly tolyq jańǵyrtylǵan Aqsý qant zaýyty iske qosylsa, Kóksý qant zaýytyn keńeıtý jobasyna 60 mln eýro baǵyttalýda. Sondaı-aq uzaq ýaqyt toqtap turǵan «Jetisý Majıko» kásiporny qaıta jandanyp, maıly daqyldardy óńdeý qýaty 100 myń tonnaǵa deıin jetkizildi.
О́ńirde dándi, maıly daqyldar men kókónisterdi jınaý aıaqtaldy: 284,9 myń gektardan 771,9 myń tonna dán, 106,5 myń gektardan 233,7 myń tonna maıly daqyl alynǵan. Kartop, kókónis jáne baqsha daqyldarynyń túsimi 404,8 myń tonnany qurady. Qant qyzylshasynyń 93,9%-y jınalyp, 452,2 myń tonna ónim óndirildi.
AО́K-ke 20 mlrd teńgeden astam ınvestısııa tartylyp, 2025–2027 jyldarǵa arnalǵan Investısııalyq kartanyń aıasynda jalpy quny 94,4 mlrd teńgelik 23 joba júzege aspaq. Bıyl sýarmaly jerlerdi qalpyna keltirý boıynsha 6 joba bastalyp, 23,2 myń gektar jer qaıta aınalymǵa engiziledi. Ylǵal únemdeý tehnologııalarynyń aýqymy 36,1 myń gektarǵa jetti.
Oblys qurylǵaly beri paıdalanylmaǵan 1,3 mln gektar jer anyqtalyp, onyń 712 myń gektary qaıta aınalymǵa qosyldy, 600,4 myń gektary memleketke qaıtaryldy.
Mal sharýashylyǵy da ósim kórsetýde: mal basy 2,6 mln-ǵa jetti. О́ńirde 71 bordaqylaý alańy jáne 35 taýarly sút fermasy jumys isteıdi, úsh iri ferma qosymsha keńeıtildi. Veterınarııalyq ınfraqurylym da kúsheıtilip, sońǵy jyldary 67 jańa nysan salyndy.
Bıyl agrosalany qoldaýǵa 64 mlrd teńge bólingen. Sonyń arqasynda 2025 jyldyń 10 aıynda aýyl sharýashylyǵynyń jalpy ónim kólemi 403,6 mlrd teńgege jetti.
