Bul týraly City Transportation Systems kompanııasy málimdedi.
Avtobýs Orda bazary aıaldamasynan Zerde mektebine deıin qatynaıdy.
Marshrýt Alash shossesimen bastalyp, Ýálıhanov kóshesine burylady. Odan ári qozǵalys Abylaı han dańǵyly, Jumabaev kóshesi, Táýelsizdik jáne Ál-Farabı dańǵyldary arqyly jalǵasady. Sondaı-aq baǵyt Buhar jyraý kóshesin de qamtıdy. Jańa marshrýt elordanyń qarqyndy damyp kele jatqan aýdandarynda kólik qoljetimdiligin arttyrýǵa múmkindik beredi.
Budan buryn Astana ákimi Jeńis Qasymbek jolaýshylar aǵynynyń artýyna baılanysty kelesi jyly qalada taǵy 13 jańa marshrýt iske qosylatynyn málimdegen. Sonymen qatar Bus Line jelisi kezeń-kezeńimen keńeıedi. Qazirdiń ózinde ondaǵan ýchaskede qozǵalystyń arnaıy jolaqtary jumys istep, jol júrý ýaqytyn 25–30% qysqartyp otyr.
Bıyl avtobýs parki shamamen 300 jańa kólikpen tolyqpaq. Onyń bir bóligi qalaǵa jetkizilip, jelige shyǵýǵa daıyndalyp jatyr. Ákimdik dereginshe, bul jańa baǵyttardy iske qosýǵa jáne jolaýshylar úshin aıaldamadaǵy kútý ýaqytyn azaıtýǵa múmkindik beredi.
