foto: Aqorda
«Qurmetti prezıdent, quttyqtaýyńyz úshin úlken rahmet! Sizdiń qoldaýyńyz ben senimińizdi árdaıym sezinemin», dep jazdy Golovkın áleýmettik jelidegi paraqshasynda.
Buǵan deıin Prezıdent Qasym-Jomart Toqaev Gennadıı Golovkındi World Boxing halyqaralyq federasııasynyń prezıdenti bolyp saılanýymen quttyqtaǵan edi.
Aıta keteıik, Gennadıı Golovkın 23 qarashada World Boxing uıymynyń basshysy bolyp saılandy. Onyń kandıdatýrasy Rımde (Italııa) ótken Kongress barysynda maquldandy. Bul laýazymǵa eki úmitker bolǵanymen, saılaýǵa jiberilgen jalǵyz kandıdat – Gennadıı Golovkın boldy.
Gennadıı Golovkın – Qazaqstannyń eńbek sińirgen sport sheberi, 2003 jylǵy álem chempıony jáne 2004 jylǵy Olımpıada oıyndarynyń kúmis júldegeri. Professıonaldyq rıngte ol 45 jekpe-jek ótkizip, 42 ret jeńiske jetti, onyń 37-si – nokaýt. Eki ret jeńilip, bir jekpe-jekte teń nátıjege qol jetkizgen.
World Boxing – 2023 jyly qurylǵan, álemdik deńgeıde áýesqoı boksty damytý jáne retteý mindetin atqaratyn halyqaralyq uıym.
2024 jylǵy qyrkúıekte Golovkın uıymnyń Olımpıadalyq komıssııasyn basqardy. Onyń eńbeginiń arqasynda túrli elderdiń federasııalary World Boxing-ti moıyndap, boks 2028 jylǵy Jazǵy Olımpıada oıyndarynyń baǵdarlamasynda saqtalyp qaldy.
