Soltústik Qazaqstan jáne Túmen oblystary kelisimder jasasty

PETROPAVL. 20 aqpan. Soltústik Qazaqstan oblysynyń delegasııasy Túmen oblysynda bolyp, birqatar memorandýmdarǵa qol qoıdy. Bul týraly oblystyq ákimdiktiń baspasóz qyzmeti habarlady. Qyzyljar óńiriniń basshysy Erik Sultanov pen Túmen oblysynyń gýbernatory Vladımır Iаkýshevtyń kezdesýine eki taraptan bıznes salasynyń ókilderi, iri kásiporyn basshylary qatysty. V.Iаkýshev oblystar arasyndaǵy syrtqy saýda aınalymy 132,5 mıllıon AQSh dollaryn quraıtynyn, sońǵy kezderi kásipkerlik yntymaqtastyqtyń kúrt artqanyn jetkizdi. E. Sultanov óz sózinde Qazaqstanda jańa jumys oryndaryn qurý, ınvestısııalar tartý baǵytyndaǵy tájirıbelermen bólisti. El ekonomıkasyna qarjy tartýdyń tıimdi tustaryn atap, birigip jumys isteýge shaqyrdy. Delegasııa budan keıin álemniń 26 elinen kelgen II halyqaralyq ınvestısııalyq forýmǵa qatysty. Onda Qazaqstannyń qazirgi qarqyndy damýy jaıly jyly pikirler aıtyldy. Máselen, «Opora Rossıı» qoǵamdyq uıymnyń prezıdenti Aleksandr Kalının elimizde qalyptasqan ekonomıkalyq turaqtylyqty joǵary baǵalady. Iri kásiporyndardy aralaý barysynda aldymen Antıpınsk munaı óńdeý zaýytyna soqty. Munda óndiriletin «qara altynnyń» sapasy Eýro-5 standartyna sáıkes keledi. Bıyldyń ózinde ǵana 143 mıllıard rýbl ınvestısııa quıylypty. Kúnine 38 tonna nan-toqash pisiretin nan kombınaty qýattylyqty úsh esege arttyrýdy mejelep otyr. Medısına qalashyǵy quramyna enetin klınıkalyq aýrýhana men neırohırýrgııa ortalyǵynda jylyna eki myńnan astam ota jasalatyn kórinedi. Eki kúnge sozylǵan sapar sońynda 10 memorandýmǵa qol qoıyldy. Qos tarap ultaralyq qarym-qatynas salasyn nyǵaıtýǵa da ýaǵdalasty. О́mir Esqalı. Derek: Soltústik Qazaqstan oblysy ákimdiginiń baspasóz qyzmeti. Sýret: ura.ru.