Soltústik Qazaqstanda aıaz qyspaǵynan 40 adam qutqaryldy

PETROPAVL. 20 aqpan. Soltústik Qazaqstandaǵy «Shymkent-Ekaterınbýrg» tas joly boıynda qıyn jaǵdaıda qalǵan qalaaralyq avtobýstyń 40 jolaýshysyna kómek der kezinde kelip jetti. Bul týraly tótenshe jaǵdaılar jónindegi departamenttiń baspasóz qyzmeti habarlady. Tún ortasynda Taıynsha aýdanyndaǵy Kellerovka kúre joly boıynda ornalasqan medısınalyq-qutqarý beketine telefon soǵylyp, «Astana-Petropavl» tasjolynda avtobýstyń synyp qalǵany jóninde habar túsken. Olardyń aıtýynsha, qatty aıaz saldarynana kólik apattyq jaǵdaıǵa ushyraǵan kórinedi. Oqıǵa bolǵan jerge jedel áreket etý brıgadasy jyldam kelip, qutqarý jumystarymen aınalysqan. Jolaýshylar jaqyn mańdaǵy dámhanaǵa jetkizilip, jyly orynmen, ystyq tamaqpen qamtamasyz etilgen. Avtobýs qalpyna keltirilgennen keıin jolaýshylar jolǵa attanyp ketken. О́mir Esqalı. Derek: Soltústik Qazaqstan oblystyq tótenshe jaǵdaılar jónindegi departamenttiń baspasóz qyzmeti. Sýret: liveinternet.ru.