ASTANA. 9 mamyr. Memleket basshysy Máskeýde ótken Uly Otan soǵysyndaǵy Jeńistiń 70 jyldyǵyna arnalǵan áskerı paradqa qatysty. Bul týraly akorda.kz habarlady.
Sondaı-aq, Nursultan Nazarbaev Belgisiz jaýynger zıratyna gúl qoıý rásimine qatysty.
Máskeýdegi mereıtoılyq paradqa 16 myńnan astam áskerı qyzmetshi, 194 qurlyqtyq áskerı tehnıka, 143 ushaq pen tikushaq qatysty.
Qyzyl alańnan Uly Otan soǵysyndaǵy áskerılerdiń formasyn kıgen tarıhı jaýyngerlik toptar júrip ótti. Sonymen qatar, TMD-ǵa múshe memleketterdiń Qarýly kúshteri men basqa da birqatar shet elderden arnaıy kelgen 10 top Qyzyl alańǵa sap túzep shyqty. Elimizden paradqa Qazaqstan Respýblıkasy Qarýly kúshteri Qurlyq áskerleri áskerı ınstıtýtynyń kýrsanttary qatysty.
Jeńis paradyna 2 300-den astam adam, sonyń ishinde taıaý jáne alys shetelderden ardagerler shaqyryldy. Máskeýdegi saltanatty is-sharalarǵa 30-ǵa jýyq sheteldiń memleket jáne úkimet basshylary, halyqaralyq uıymdardyń jetekshileri qatysty.
Elaman Qońyr.
Derek, sýret: akorda.kz.
