Oblystyq baspasóz qyzmetiniń málimetinshe, óńirdegi 331 eldi mekenniń 316-sy qabyldaý aýmaǵy retinde aıqyndalǵan. Búgingi tańda óńirge 419 adam qonystandy. Onyń 198-i qandastar, 221-i ishki qonys aýdarýshylar.
Ishki mıgrasııa boıynsha oblysqa negizinen Astana qalasy, Túrkistan, Jetisý jáne Almaty oblystarynan azamattar qonys aýdarýda. Qandastar Mońǵolııa, Qytaı, О́zbekstan elderinen kóship kelip jatyr.
Baǵdarlama aıasynda kelýshilerge jalpy 226 mıllıon teńge kóleminde memlekettik qoldaý kórsetildi. Memlekettik qoldaý sharalary boıynsha otaǵasyna jáne otbasy músheleriniń árqaısyna 70 AEK kóleminde bir rettik kómek, turǵyn úıdi jalǵa alý jáne kommýnaldyq qyzmetterdi óteý úshin 15-30 AEK kóleminde tólemder, turǵyn úı satyp alýǵa 50% mólsherinde, biraq 1160 AEK-ten aspaıtyn kólemde sertıfıkat berý qarastyrylǵan.
Qonys aýdarýshylar men qandastar qajet bolǵan jaǵdaıda qysqa merzimdi kásiptik oqytýǵa jiberilip, jumysqa ornalasýǵa qoldaý kórsetiledi. Nátıjesinde búgingi kúnge deıin 95 adam jumyspen qamtyldy.
«Eńbek utqyrlyǵyn arttyrý maqsatynda aqparattyq jumystardy kúsheıtý jónindegi Jol kartasy iske asyrylyp jatyr. Baǵdarlama aıasynda Túrkistan, Jambyl, Almaty, Jetisý, Qyzylorda, Mańǵystaý oblystarynda, sondaı-aq Shymkent, Almaty jáne Astana qalalarynda qonys aýdarý jármeńkeleri ótkizildi», - dedi oblystyq jumyspen qamtý jáne áleýmettik baǵdarlamalardy úılestirý basqarmasynyń basshysy Aıman Nurlybek.
2023 jyly kóshi-qon saıasatyn iske asyrý sheńberinde Semeı qalasynda beıimdeý jáne ıntegrasııa ortalyǵy ashyldy. Ortalyq qonys aýdarýshylardyń jańa ortaǵa beıimdelýine járdemdesedi. Onyń ishinde qandastarǵa qazaq tili men jazýdy oqytatyn arnaıy baǵdarlamalar qarastyrylǵan.
