Oblystyq qurylys jáne sáýlet basqarmasynyń málimetinshe, bıyl qalalyq mekenderde atalǵan sanattaǵy azamattarǵa baspana satyp alýǵa bólinetin qarjy birshama azaıǵan. Esesine aýyl turǵyndaryn jańa úımen qamtamasyz etýge basymdyq berilip otyr.
Basqarma basshysy Dıdar Tileýbaevtyń aıtýynsha, ótken jyly aýdan ortalyqtarynda atalǵan sanattaǵy azamattarǵa birde-bir úı satyp alynbaǵan. Al bıyl Áýlıekól aýdanynda 24 páter, Naýyrzym aýdanynda 25, Sarykólde 16, Beıimbet Maılın aýdanynda 12, Amangeldide 12, Uzynkólde 10 páter satyp alý josparlanyp otyr.
О́ńirde bıýdjet qarjysyna 14 kóp qabatty turǵyn úı salynǵan. Bul úılerge turǵyndar jeńildetilgen nesıe resimdeý arqyly qonystanyp jatyr. Jyl sońyna deıin Qostanaıdaǵy «Bereke» shaǵyn aýdanynda 40 páterli taǵy bir úı el ıgiligine berilmek. Atalǵan shaǵyn aýdanda taǵy úsh úı salynyp jatyr. Sonymen qatar, Tobyl qalasynda kóp qabatty 13 turǵyn úıdiń qurylysy bastaldy. Bul úıler 2026 jyly paıdalanýǵa beriledi.
Qostanaı oblysy
