Donor – arterııalyq gıpertenzııanyń aýyr túrine shaldyǵyp, ınsýlt alǵan 50 jastaǵy áıel adam. Naýqas jedel túrde Ortalyq qalalyq klınıkalyq aýrýhanasyna jetkizilgende, dárigerler konsılıýmy onyń mıy semgenin anyqtap, qaıtys bolǵannan keıingi donorlyqqa jaramdylyǵyn rastady. Týystary kelisim bergen soń donorlyq júrekti alý otasy bastaldy.
Júrek aýystyrý otasy bes saǵattan astam ýaqytqa sozylyp, oıdaǵydaı aıaqtaldy. Transplantasııalyq operasııany Almaty qalalyq kardıologııalyq ortalyǵy men UMC korporatıvtik qorynyń mamandarynan quralǵan kásibı dárigerler júrgizdi. Bul kúrdeli otaǵa Qalalyq júrek ortalyǵynyń dırektory Ermaǵanbet Qýatbaev pen UMC basqarma tóraǵasy, professor Iý.V.Pıa jetekshilik etti. UMC komandasy aqparat túsken boıda Almatydaǵy áriptesterine qoldaý kórsetý úshin jedel túrde ushyp kelgen.
Iýrıı Vladımırovıch Pıa ortalyq ujymyn osy tarıhı oqıǵamen quttyqtap, onyń Almatydaǵy kardıohırýrgııanyń jańa kezeńge qadam basýyna jol ashqanyn atap ótti. Sondaı-aq, ol donordyń jaqyndaryna kóńil aıtyp, olardyń sheshiminiń basqa adamdardyń ómirin saqtap qalǵanyna erekshe toqtaldy.
«Transplantologııa baǵdarlamasyna qosylý – emdelýshiniń ómirin uzartýǵa, onyń sapasyn arttyrýǵa baǵyttalǵan mańyzdy qadam. Bul tek medısınanyń damý deńgeıin emes, qoǵamnyń da donorlyq mádenıetke daıyn ekendigin kórsetedi», dedi Ermaǵambet Qýatbaev.
