Foto: ostrovets.by
Qazir elimizde dárigerlerdiń qaýipsizdigin arttyrý maqsatynda júıeli sharalar atqarylyp jatyr. Buǵan deıin salalyq mınıstrlik IIM-men birlesip medısınalyq mekemelerde 150-ge jýyq polısııa beketin ashqan.
Tımýr Sultanǵazıev osy baǵytta atqarylyp jatqan ózge de sharalarǵa toqtaldy.
«Stasıonarlarda kameralar ornatyp jatyrmyz. Bul kameralar polısııanyń Jedel basqarý ortalyǵyna qosylǵan. Budan bólek, 600 medısına uıymnyń árbir qabyldaý bólmesine dabyl núkteleri ornatyldy. Sonyń arqasynda qajetti jedel aldyn alý sharalary júrgizilip jatyr», dedi ol.
Joǵaryda atalǵan Astana men Almaty qalalaryndaǵy kórsetkish negizinde ózge aımaqtaǵy jedel járdem qyzmetkerlerin de jappaı beınetirkegishpen qamtý kózdelip otyr.
Densaýlyq saqtaý birinshi vıse-mınıstri osy jospar aıasynda «Qazaqtelekommen» birge tıisti sharalar qolǵa alynǵanyn jetkizdi.
