Foto: Ashyq derekkóz
Qujatty densaýlyq saqtaý qyzmetkerlerine fızıkalyq zorlyq-zombylyq pen qatygezdik kórsetkeni úshin jazany kúsheıtý týraly Memleket basshysynyń tapsyrmasyna sáıkes depýtattar ázirlegen.
Sonymen qatar Qylmystyq kodekske medısına mamandaryna nemese jedel járdem júrgizýshilerine qyzmet mindetin oryndaý kezinde kúsh kórsetkeni, densaýlyǵy men qaýipsizdigine qol suqqany úshin qylmystyq jaýapkershilik júkteıtin jańa bap engiziledi.
Qaýipti emes kúsh qoldanǵan jaǵdaıda:
- 500-1000 AEK aıyppul;
- nemese sol mólsherde túzetý jumystary, ne 600 saǵatqa deıin qoǵamdyq jumys;
- 3 jylǵa deıin bas bostandyǵyn shekteý/aıyrý.
Aýyr áreket jasaǵan jaǵdaıda:
- 3-7 jylǵa deıin bas bostandyǵyn shekteý nemese aıyrý.
Adam ómiri men densaýlyǵyna qaýipti kúsh qoldanǵan jaǵdaıda:
- 5-10 jylǵa deıin bas bostandyǵynan aıyrý;
- Aýyr jaǵdaıda 7-12 jylǵa deıin.
Qylmystyq-prosestik kodekste ishki ister organdary osy sanattaǵy ister boıynsha aldyn ala tergeý júrgizýge quzyretti bolyp belgilendi.
