Amerıkada qala meriniń oryntaǵy úshin talasqa dońyz da qosyldy

ASTANA. 9 mamyr. Amerıkanyń Mıchıgan shtatyndaǵy Flınt qalasy meri laýazymyna úmitkerler tiziminde Gıgglz nyspyly dońyz, ıaǵnı shoshqa da paıda boldy. Bul týraly CBS Detroit basylymy habarlady. Aqparat quralynyń habarlaýynsha, qorsyldaq janýar tizimge jergilikti advokat Maıkla Iýınga (Michael Ewing) arqyly engizilgen. Ol saılaýaldy jarysqa buryn zań buzyp, sot júzinde jaza alǵan eki adamnyń qosylǵanyn kórgennen keıin bulardyń qataryna shoshqanyń da qosylýyna biraz eńbek sińirgen. Al atalǵan kandıdattardyń biri budan aldyn kisi óltirgeni úshin túrmege otyryp shyqqan bolsa, ekinshisi mas kúıinde kólik júrgizip kele jatyp, ustalyp qalǵan eken. «Menińshe, kisi óltirgen adamnyń qala meri bolýǵa múmkindik alýynyń ózi Flınttegi qazirgi ahýalǵa baılanysty dabyl kóterýge turatyn jaǵdaı», - dedi Iýıng óz sheshimi týraly túsindirip tury. Advokat sonymen birge, basqa kandıdattarǵa qaraǵanda, Gıgglzdyń aqyldy da súıkimdi janýar ekenin atap ótti. Qurysh Nurymbet. Derek, sýret: CBS Detroit.