Endi mańǵystaýlyqtar mobıldi oqytý ortalyǵy arqyly birneshe mamandyqty meńgerý múmkindigine ıe. Mańǵystaý oblystyq bilim basqarmasy baspasóz qyzmetiniń málimetinshe, ortalyq aspaz-kondıter, shashtaraz, tiginshi mamandyqtary boıynsha kásibı daıyndyq kýrstaryn júrgizýge qajetti qural-jabdyqtarmen, aspaptarmen tolyq jabdyqtalǵan.
Mobıldi oqý ortalyǵy shalǵaı aýyldardaǵy azamattardy jumysshy mamandyqtarǵa oqytýǵa óte yńǵaıly, sebebi sol jerge baryp, jabdyqtalǵan jyljymaly oqý ortalyǵynda tájirıbege negizdelgen oqý múmkindigin usynady.
– Negizgi maqsat – kásibı daǵdylardy kúsheıtý, óz isin ashýǵa jaǵdaı jasaý, oblys boıynsha qyzmet kórsetý salasyndaǵy jumysshy mamandyqtardy damytý. Kýrstardyń uzaqtyǵy baǵdarlama baǵyty men kólemine qaraı 1 aıdan 6 aıǵa deıin sozylady. Sabaqtardy tájirıbeli óndiristik oqytý sheberleri men arnaıy pán muǵalimderi júrgizedi. Oqytý toptyq formatta ótedi, bir topta orta eseppen 8–10 adam bolady, – dedi atalǵan kolledj dırektory Iles Nuradınov.
Mobıldi oqytý ortalyǵy aýyldyq jerlerdegi suranysqa ıe jumysshy mamandyqtaryn meńgerýge múmkindik beredi. Mamandyqty ıgergen soń, olar kásipkerlik daǵdylaryn damytyp, óz betimen jumys isteı alady. Ári qaraı tapsyrys qabyldap, bıznes-granttarǵa qatysýǵa múmkindik týady. Ortalyq tájirıbelik daǵdylardy jetildirýge, eńbek naryǵynda senimdi bolýǵa kómektesedi.
Qazir mobıldi oqytý ortalyǵynyń qyzmetin jańa baǵytta keńeıtý josparlanyp otyr. Buǵan deıin ortalyqtyń negizgi baǵyty qysqamerzimdi kásibı oqytý men kýrstyq daıyndyq ótkizý bolsa, endigi maqsat – oqytý salasyn keńeıtý ári jańa jumys formalaryn engizý.
Osy baǵyttardyń biri retinde aýyldyq eldi mekenderdegi mektep oqýshylarymen kásibı baǵdar berý jumystary qarastyrylyp jatyr. Bul bastama oqýshylarǵa mamandyqty sanaly túrde tańdaýǵa, bolashaq kásibı maqsattaryn anyqtaýǵa múmkindik beredi.
Kolledj dırektorynyń orynbasary Aınat Baqytjanqyzynyń aıtýynsha, bul joba aýyl turǵyndarynyń sapaly bilimge qoljetimdiligin arttyrýǵa baǵyttalǵan.
– Oqytý ortalyǵy 4 túrli mamandyq boıynsha arnaıy jabdyqtalǵan. Atap aıtqanda, oqytý aspaz, kondıter, shashtaraz, tigin baǵyttaryn qamtıdy. Aýyl turǵyndary aldyn ala ótinim qaldyrsa, biz kez kelgen eldi mekenge baryp, sabaq ótkizemiz. Kýrs aıaqtalǵan soń qatysýshylarǵa kýálik tabystaımyz. Barlyq oqý quraldary men qajetti ónimder kolledj tarapynan usynylady. Oqytý aıaqtalǵannan keıin sertıfıkat beriledi, deıdi ol.
Búginge deıin mobıldi ortalyq 3 aýyldy aralap, 100-den asa adamǵa bilim bergen. Aldaǵy ýaqytta joba aıasynda basqa da aýdan, aýyldarǵa barý josparlanyp otyr.
Bul bastama — mobıldi oqytýdyń óńirde damyp kele jatqan jańa baǵyty. Ol aýyl jastary men turǵyndaryna eldi mekeninen shyqpaı-aq, jańa kásip meńgerýge múmkindik berip otyr.
Mańǵystaý oblysy
