Qarajattyń negizgi bóligi joldardy jáne ınfraqurylymdy kútip-ustaýǵa, kapıtaldyq shyǵyndarǵa, sonyń ishinde 89 traktor satyp alý jáne taǵy 504 tehnıka birligin jetkizýge jumsalǵan.
10 aıda 61,4 myń m2 aýdanda oıyqtar jóndelip,19,6 myń shaqyrymǵa jol tańbasy salynǵan. 4 363 jol belgisi ornatylyp, 31,6 myń boılyq metr qorshaý jóndelgen jáne 417 myń shaqyrym jol qardan tazartylǵan.
«QazAvtoJol» ulttyq kompanııasynyń qyzmeti Bas prokýratýra, UQK, JAP, Ishki memlekettik aýdıt komıteti jáne basqa da memlekettik organdar tarapynan turaqty baqylaýda. 2024 jyly Sybaılas jemqorlyqqa qarsy qyzmet pen Ishki memlekettik aýdıt komıteti tarapynan tekserýler júrgizilgen.
Kompanııanyń qarjylyq eseptiligi jyl saıyn táýelsiz aýdıtten ótip, Qarjy mınıstrliginiń depozıtarııinde jáne resmı saıtta ashyq jarııalanady. Bul qarjynyń maqsatty ári tıimdi jumsalýyna tolyq aıqyndyq beredi.
Aqyly joldar – elimizdiń jol salasyn jańǵyrtýǵa múmkindik beretin zamanaýı tetik. Olar jol sapasynyń joǵary standartyn saqtaýǵa, qozǵalys qaýipsizdigin arttyrýǵa, logıstıkalyq baılanystardy jyldamdatýǵa, ınfraqurylymǵa ınvestısııa tartýǵa, respýblıkalyq bıýdjetke túsetin júktemeni azaıtýǵa yqpal etedi.
Joldyń árbir shaqyrymy, árbir jańa tehnıka, árbir ornatylǵan belgi – aqyly júıeniń nátıjeli jumysynyń kórinisi. Búgin de bul júıe elimizdiń jol jelisin jańǵyrtýdyń mańyzdy qozǵaýshy kúshi bolyp otyr.
