Mamandardyń aıtýynsha, syrqattanǵandardyń basym bóligi – 14 jasqa deıingi balalar. Olarǵa qatysty 11 267 jaǵdaı tirkelip, jalpy kórsetkishtiń 65,3 paıyzyn kórsetip otyr. Bir jasqa tolmaǵan sábıler arasynda – 127 balaǵa dıagnoz qoıylǵan. Sondaı-aq, júkti áıelder arasynda 83 derek tirkelgen.
Epıdemıologııalyq maýsym bastalǵaly beri oblysta 57 025 adam JRVI juqtyrǵan. Onyń 34 948-i – balalar. Byltyrǵy maýsymmen salystyrǵanda kórsetkish 1,6 esege artqan. О́tken jyly osy kezeńde 35 752 jaǵdaı tirkelgen.
Sońǵy aptada 176 adam aýrýhanaǵa jatqyzylǵan, onyń 38-i – ókpe qabynýymen aýyrǵandar. Bıylǵy maýsymda 43 adamnan tumaý rastaldy.
Qaýiptiń kúsheıýine baılanysty Qostanaı qalasyndaǵy barlyq mektep oqýshylary men keıbir kolledj stýdentteri qashyqtan bilim alyp jatyr.
