Foto: Aqorda
«Al aýdan ákimderin saılaýǵa qatysty ártúrli kózqaras bar. Birqatar qoǵam qaıratkeri men belsendi azamattar «aýdan ákimderin saılaý qajet pe, joq pa» degen máseleni qaıta qaraýdy usynýda», dedi Qasym-Jomart Toqaev.
Memleket basshysy bul máseleni Erlan Saırov, Albert Raý, Marhabat Jaıymbetov bastaǵan depýtattar da kótergenin aıtty.
«Olar elde saılaý tym kóbeıip bara jatqanyn, jurt saıası naýqandardan mezi bola bastaǵanyn aıtýda. Bul pikirdi aýyl jáne aýdan turǵyndary da qoldap jatyr. Saılaý naýqandary jergilikti jerde júrgizilýge tıis naqty jumystarǵa kedergi keltirýi múmkin degen paıymdar da bar. Bul pikirlerdi eskergen jón», dedi Memleket basshysy.
Prezıdenttiń aıtýynsha, osyǵan deıin aýdan ákimderin saılaý tásili arqyly 52 ákim saılandy.
«Endi olardyń qalaı jumys isteıtinin qarap kórý qajet. Aýdan ákimin saılaýdyń tıimdi-tıimsiz tustaryn muqııat saralaý kerek. Másele – aýdan ákimderiniń saılaýyn mindetti túrde ótkizý emes, basty maqsat: biz oń nátıjelerge qol jetkizýimiz kerek. Úkimet jáne Parlament depýtattary birlesip, osy máseleni jan-jaqty qarap, ádiletti, durys sheshim qabyldaýy qajet. Eń bastysy, árbir reforma salmaqty kózqaraspen, baıyppen jasalýy kerek», dedi Qasym-Jomart Toqaev.
