Foto: Aqorda
Memleket basshysynyń paıymynsha, Sıfrlyq Qazaqstandy aýyldar men aýyldyq okrýgtersiz qurý múmkin emes.
«Jasandy ıntellekt pen jappaı sıfrlandyrý dáýirinde bul iske aýyl ákimderi de belsendi túrde atsalysqany jón. Eldi mekenderdi sıfrlandyrý aýyl men qala turǵyndarynyń turmys sapasyn aıtarlyqtaı teńestiredi. Sondyqtan Úkimet bul baǵyttaǵy jumysty basty basymdyqtardyń biri retinde qarastyrýy qajet», dedi Qasym-Jomart Toqaev.
Prezıdent jergilikti jerlerden alynǵan naqty ári jedel aqparat ortalyqta tıimdi sheshimder qabyldaýǵa múmkindik beretinin atap ótti. Sondaı-aq ekonomıkalyq derekqor negizin qalap, resýrstardy ádil bólýge yqpal etedi.
«Aldaǵy úsh jylda Qazaqstandy tolyqtaı sıfrlyq elge aınaldyrý – jańa damý kezeńindegi basty mindetterdiń biri. Bolashaqta elimizdiń álemde alatyn orny osyǵan tikeleı baılanysty. Sondyqtan muny tirshilik úshin talas desek, artyq aıtqandyq emes», dedi Memleket basshysy.
