Qoǵam • 28 Qarasha, 2025

Qaraǵandyda júrekke ınnovasııalyq ota jasala bastady

30 ret
kórsetildi
1 mın
oqý úshin

Qaraǵandynyń №2 kópsalaly aýrýhanasynda júrekishilik ýltradybystyq datchık qoldaný boıynsha sheberlik sabaǵy ótti. Buǵan deıin mundaı otalar kezinde dárigerler rentgen-navıgasııany qoldanýǵa májbúr bolatyn, sonyń saldarynan mamandar da, emdelýshiler de aıtarlyqtaı sáýlelenýge shaldyǵatyn, dep jazady Egemen.kz.

Qaraǵandyda júrekke ınnovasııalyq ota jasala bastady

Bul joǵary tehnologııalyq ádis boıynsha sheberlik sabaqty Novosibirden arnaıy kelgen, arıtmııany kateterlik ádispen emdeý jáne Zero-fluoro tehnologııasy boıynsha sarapshy Ilıa Stenın ótkizdi.

Zamanaýı ota mindetti áleýmettik medısınalyq saqtandyrý aıasynda tegin júrgiziledi. Kezek kútý merzimi bir-eki aıdy quraıdy. Mamandardyń aıtýynsha, Qaraǵandyda halyqtyń 2-3 paıyzy júreksheler fıbrıllıasııasynan týyndaǵan arıtmııamen aýyrady, al jańa tehnologııa olardyń kóbine júrek saýlyǵyn qalpyna keltirýge múmkindik beredi.

Qaraǵandy oblysy