Jylý jelileri jańartylady

Qostanaı oblysyndaǵy jylý jeli­le­rin rekonstrýksııalaýdy aıaqtaýǵa Úkimet rezervinen shamamen 2,2 mlrd teńge bólindi. Tıisti Qaýlyǵa Premer-mınıstr Oljas Bektenov qol qoıdy. Qarajat Qostanaı, Jitiqara, Arqalyq qala­laryn jylýmen, al Rýdnyıdy sýmen jabdyqtaý nysandaryn jóndeýge baǵyt­taldy.

Qostanaı qalasynyń JEO bas bý qubyryn rekonstrýksııalaýǵa 188 mln teńge ajyratyldy. Bul nysan 1955 jyly paıdalanýǵa berilgen. Bý qubyryna sońǵy ishinara jóndeý 2012 jyly júrgizilgen. Jańǵyrtý qysqy kezeńde JEO jumysynyń senimdiligin arttyrýǵa múmkindik beredi.

Jitiqara qalasynda 11 shaǵyn aýdan­da jylý jelilerin jóndeýge 389 mln teńge bólindi. Onyń 269 mln teńgesi Y.Altynsarın kóshesin, 205 mln-y Jibek Joly kóshesin jańǵyrtýǵa jum­salady. Bul jylý jelileri 183 kóp­páterli úı, 2,5 myń az páterli úımen qatar, qala qurylysynyń edáýir mas­sıvterin qamtıdy. Jylý energııasyn tutyný­shylardyń jalpy sany 15,5 myń abonentti quraıdy.

Jalpy, qalanyń jylý jelileriniń uzyndyǵy 78 shaqyrym, onyń ishinde magıstraldyq jelileri – 7,53 shaqyrym.

Buǵan qosa jumys Arqalyq qalasynda da júrgizilip jatyr. Onda jylý jelilerin rekonstrýksııalaý boıynsha jobanyń úshinshi kezegin júzege asyrýǵa shamamen 645 mln teńge baǵyttaldy. Bıylǵy esepteýlerge sáıkes jalpy uzyndyǵy 10 shaqyrym bolatyn 1,6 shaqyrym jelini jańartý josparlanyp otyr. Bul jelige jalpy bilim bere­tin mekteppen qatar 300 abonent qosyl­ǵan.

Rýdnyı qalasynyń sýmen jabdyqtaý júıesin rekonstrýksııalaý jobasy 500 mln teńgege qarjylandyryldy. Atap aıtqanda, qarajat 1978 jyly paıdalanýǵa berilgen qalanyń №2 súzgi stansasyn jańǵyrtýǵa jumsalady. Joba Rýdnyı qalasyn, Qashar men Gornıask kentterin, sondaı-aq ónerkásiptik nysandardy – barlyǵy 122 myńnan astam adamdy úzdiksiz ári sapaly sýmen jab­dyqtaýdy, jylytý maýsymynyń apatsyz ótýin qamtamasyz etedi.

Úkimet qabyldaǵan jańǵyrtý sharalary óńirdegi ınjenerlik ınfraqury­lym­dy edáýir nyǵaıtýǵa, jylý jáne sýmen jabdyqtaý nysandarynyń senim­diligi men tıimdiligin arttyrýǵa, shyǵyn­dardy azaıtýǵa, turǵyndar men áleý­met­tik mańyzy bar nysandardy jylýmen ári sýmen qamtamasyz etýge múmkindik beredi.