Qyrǵyzstan Eýrazııalyq ekonomıkalyq odaqqa qosyldy

ASTANA. 9 mamyr. Eýrazııalyq ekonomıkalyq odaq elderi uıymǵa Qyrǵyzstandy qosý týraly sheshim qabyldady. Bul týraly RIA «Novostı» habarlady. 8 mamyr kúni ótken Joǵary Eýrazııalyq ekonomıkalyq keńes otyrysynda Qazaqstan Prezıdenti Nursultan Nazarbaev: «Osy ýaqytqa deıin kúdik týdyrǵan suraqtardyń barlyǵy óz sheshimin tapty. Biz búgin Qyrǵyzstandy Odaqqa tolyqtaı qabyldaý týraly qujatty qabyldadyq. Osyǵan oraı barlyǵyńyzdy quttyqtaımyn», – dedi. Qyrǵyzstandy qosý týraly kelisimshartqa 2014 jyldyń jeltoqsan aıynda qol qoıylǵan bolatyn. Integrasııalyq birlestikke qyrǵyz eli kelisimder bekitilgennen keıin 8 mamyrda enedi dep josparlanǵan. Osy ýaqytqa deıin taraptardyń keı máselelerge qatysty naqty bir sheshimge kele almaǵanyn aıta keteıik. Reseı prezıdentiniń kómekshisi Iýrıı Ýshakovtyń budan buryn jýrnalısterge taratqan aqparaty boıynsha, Qyrǵyzstan naýryz aıynda qoldanystaǵy hattamaǵa ózgertýler engizýdi usynǵan. Alaıda, bul usynystardy Odaq músheleri «qısynǵa kelmeıdi» dep tapqan. Eýrazııalyq ekonomıkalyq odaq quramynda qazirgi tańda Reseı, Belarýs, Qazaqstan men Armenııa bar. Elaman Qońyr. Derek: RIA «Novostı». Sýret: easttime.ru.