Qazaqstan quramasynyń atynan 48 kelige deıingi salmaq dárejesinde óner kórsetken efreıtor Á. Ábýjaqynova irikteý jekpe-jeginen senimdi túrde ótip, qola úshin sheshýshi jekpe-jekke shyǵyp, Ispanııadan kelgen Eva Peres Solermen kezdesti.
Qarqyndy jáne serpindi dodada bizdiń sportshy jeńiske jetip, joǵary daıyndyq deńgeıin, ózindik minezin jáne taktıkalyq senimdiligin kórsetti.
Abıba Ábýjaqynova oıdaǵydaı óner kórsetýiniń arqasynda tuǵyrdyń úshinshi satysyna kóterilip, týrnırdiń birinshi kúni fınaldyq blokqa jetken Qazaqstannyń jalǵyz ókili boldy.
Qazaqstandyq sportshynyń jetistigi Ulttyq ulandaǵy sporttyq daıyndyqtyń joǵary deńgeıiniń jáne onyń halyqaralyq arenada qazaqstandyq dzıýdony damytýǵa qosqan eleýli úlesiniń jarqyn dáleli boldy.
