ASTANA. 9 mamyr. Búgin Memleket basshysy Máskeýde ótken Jeńistiń 70 jyldyǵyna arnalǵan paradqa qatysty. Sondaı-aq, Prezıdent mereke aıasynda birqatar ekijaqty kezdesý ótkizdi. Bul týraly akorda.kz habarlady.
Birikken Ulttar Uıymynyń Bas hatshysy Pan Gı Mýnmen kezdesý barysynda yntymaqtastyqtyń negizgi baǵyttary, ony ári qaraı jandandyrý múmkindikteri, sondaı-aq, túrli salalardaǵy birlesken jobalardy júzege asyrý máseleleri talqylandy.
***
Ázerbaıjan prezıdenti Ilham Álıevpen kezdesý barysynda eki eldiń saýda-ekonomıka, ınvestısııa jáne kólik-tranzıt salalaryndaǵy ózara yqpaldastyqtyń negizgi jaıttary týraly sóz qozǵaldy. Memleket basshylary óńirlik jáne halyqaralyq kún tártibindegi ózekti máseleler jóninde de pikir almasty.***
Qazaqstan Prezıdenti Nursultan Nazarbaev pen Venesýela Bolıvarıan Respýblıkasynyń prezıdenti Nıkolas Madýro ekijaqty saýda-ekonomıkalyq yntymaqtastyq máselelerin, sondaı-aq, osy baılanystardy keńeıtýdiń keleshegin talqylady.***
Mońǵolııa prezıdenti Sahıagıın Elbegdorjpen kezdesý barysynda saýda-ekonomıka salasyndaǵy ekijaqty yqpaldastyqtyń qazirgi ahýaly men keleshegi qarastyryldy. Memleket basshylary halyqaralyq kún tártibindegi meılinshe ózekti máseleler týraly pikir almasty.***
Qazaqstan Prezıdenti Nursultan Nazarbaev pen Kýba Respýblıkasynyń Memlekettik keńesi men Mınıstrler keńesiniń tóraǵasy Raýl Kastro eki eldiń túrli saladaǵy ózara yqpaldastyǵyn nyǵaıtýdyń negizgi aspektilerin qarastyrdy.***
Serbııa Respýblıkasynyń prezıdenti Tomıslav Nıkolıchpen kezdesýde saýda-ekonomıkalyq yntymaqtastyqty ári qaraı damytýdyń negizgi baǵyttary, sondaı-aq, eki eldiń halyqaralyq uıymdar aıasyndaǵy ózara is-qımyldary talqylandy. Sonymen qatar, halyqaralyq kún tártibindegi ózekti máseleler jóninde pikir almasyldy.***
Chehııa Respýblıkasynyń prezıdenti Mılosh Zemanmen áńgimede cheh kóshbasshysynyń Qazaqstanǵa byltyrǵy sapary kezinde jasalǵan ýaǵdalastyqtardyń júzege asyrylý barysy sóz boldy. Eki memlekettiń kóshbasshylary qarym-qatynastardyń júıeli damý sıpatyn ataı kele, odan ári keńeıe beretinine úmit bildirdi.***
Ońtústik Afrıka Respýblıkasynyń prezıdenti Djeıkob Zýmamen kezdesýde saıası jáne saýda-ekonomıkalyq salalardaǵy ózara yqpaldastyqty nyǵaıtý máseleleri qarastyryldy. Taraptar birqatar perspektıvaly salalar boıynsha sóz qozǵap, halyqaralyq uıymdar aıasyndaǵy yntymaqtastyqty keńeıtýdiń qajettigin atap ótti. Elaman Qońyr. Derek, sýret: akorda.kz.
