Jańa kásiporynnyń qurylys jumysymen tanysqan óńir basshysy Erbol Qarashókeev Jambyl óńirinde hımııa ónerkásibin damytýǵa barynsha qoldaý kórsetiletinin atap ótti.
«Prezıdent memleketimizdiń bolashaǵy men álemdik arenadaǵy orny eń aldymen ınvestısııaǵa baılanysty ekenin únemi aıtyp júr. Jańa óndiris oshaqtaryn iske qosý, ınnovasııalyq tehnologııalardy engizý jáne ǵylymı negizdelgen ónim shyǵarý – Jambyl oblysynyń aldaǵy jyldardaǵy basym baǵyty bolyp qala beredi.
Natrıı sıanıdin óndirý jobasy óńirdiń ekonomıkalyq qýatyn arttyryp, elimizdiń ónerkásiptik áleýetin kúsheıtedi. Mańyzdy bastamany tabysty iske asyratynymyzǵa senimdimin» – deıdi ol.
Jańa kásiporyn Shý aýdanyndaǵy «Jibek Joly» arnaıy ekonomıkalyq aımaǵy aýmaǵynda boı kótermek. Iri ınvestısııalyq jobany «Altynalmas Reagents» JShS júzege asyryp jatyr. Jobanyń jalpy quny – 68 mlrd teńge, jyldyq qýattylyǵy – 25 myń tonna.
Jambyl oblysy
