Foto: Ashyq derekkóz
2025 jyldyń basynan beri áleýmettik-eńbek salasyndaǵy memlekettik qyzmetterdi proaktıvti kórsetý úshin 463,3 myń adamǵa SMS-habarlama joldanǵan. Osynyń nátıjesinde 246 myńnan astam adam ótinish bermeı-aq járdemaqy men áleýmettik tólemder alǵan.
Qazirgi tańda OSK arqyly azamattar ótinish bermeı-aq 11 túrli áleýmettik tólemdi ala alady. Olar:
- Eńbek etý qabiletinen aıyrylǵan jaǵdaıda tólenetin tólem;
- Jumysynan jáne asyraýshysynan aıyrylǵan jaǵdaıda beriletin kómek;
- Bala týý men kútimine jáne múgedektigi bar balany tárbıelep otyrǵan ata-anasyna (qamqorshysyna) tólenetin járdemaqy;
- Múgedektigi boıynsha jáne kópbalaly otbasylarǵa beriletin járdemaqy;
- «Altyn alqa» jáne «Kúmis alqamen» marapattalǵan kópbalaly analarǵa beriletin járdemaqy;
- Ataýly áleýmettik kómek, sondaı-aq jerleýge arnalǵan birjolǵy tólem.
Sonymen qatar, OSK zeınetaqy tólemderi, «qandas» mártebesi berilgen nemese uzartylǵan jaǵdaılar, jumyssyz azamattar úshin jumyspen qamtý sharalary týraly avtomatty habarlamalar jiberýdi iske asyrdy.
«Memlekettik qoldaý sharalaryn alýǵa quqyq belgilengen kezde áleýetti alýshyǵa 1414 biryńǵaı baılanys ortalyǵynan SMS-habarlama jiberiledi. Habarlama alǵan azamat oǵan kelisimi týraly jaýap berýi kerek. О́tinishti resimdeý jáne áleýmettik járdemaqy nemese tólem taǵaıyndaý avtomatty rejımde júrgiziledi, sodan keıin aqsha qarajaty alýshynyń bank shotyna aýdarylady», delingen habarlamada.
Alaıaqtyq táýekelderin boldyrmaý úshin 1414 nómirinen kelgen habarlamaǵa ǵana jaýap berý qajet. Barlyq suraqtar boıynsha 1414 Call-ortalyǵyna tegin qońyraý shalýǵa bolady.
