Foto: freepik.com
Almaty qalasy Kásipkerlik jáne ınvestısııalar basqarmasynyń basshysy Berikbol Mándibaevtyń aıtýynsha, mólsherlemeni 3% deńgeıinde saqtaý kásipkerlerge túsetin qosymsha júktemeni azaıtady.
Búginde Almatydaǵy shaǵyn bıznes sýbektileriniń basym bóligi 3% mólsherlememen qoldanystaǵy jeńildetilgen rejımde jumys isteıdi. Eger mólsherleme artsa, kompanııalardyń qarjylyq turaqtylyǵyna teris áser etýi yqtımal.
Salyq salasyndaǵy ózgeristerdiń biri – B2C segmenti. Bul sanatqa úı mańyndaǵy dúkender, qyzmet kórsetý ortalyqtary, sulýlyq salondary, jóndeý sheberhanalary jáne halyqqa baǵyttalǵan ózge de kásiporyndar enedi. Jańa talaptarǵa sáıkes, jalpyǵa birdeı tártippen jumys isteıtin bıznes ASR qoldanatyn kompanııalardan alynǵan taýarlar men qyzmetterdi shyǵys retinde eseptemeıdi. Bul seriktestik tizbekteriniń qysqarýyna ákelýi múmkin. Sondyqtan mólsherlemeni 3% deńgeıinde saqtaý sheshimi Almatynyń shaǵyn jáne mıkrobıznesiniń básekege qabilettiligin qorǵaýǵa baǵyttalǵan.
Depýtattar bastamany qoldaı otyryp, salyq mólsherlemesin tómendetý qala bıýdjetiniń kiris bóligine yqpal etýi múmkin ekenin atap ótti.
О́z kezeginde Almaty qalasy ákiminiń orynbasary Oljas Smaǵulov bul másele depýtattarmen, bıznes qaýymdastyǵymen jáne Memlekettik kirister departamentimen egjeı-tegjeıli talqylanǵanyn aıtty.
«Bizdiń mindetimiz – salyq bazasyn keńeıtý, kásipkerlik belsendilikti qoldaý. Barlyq táýekel eskerilgennen keıin mólsherlemeni 3%-ǵa deıin tómendetý usynysy engizildi. Bul – 200 myń almatylyq kásipkerdiń taǵdyryna qatysty másele. Bıýdjet shyǵyndary boıynsha táýekelderdiń óteletinine senimdimiz. Qabyldanǵan sheshim bıznestiń kóleńkeden shyǵýyna, kásipkerliktiń jandanýyna jáne kompanııalardyń basqa óńirlerge tirkelýiniń aldyn alýǵa yqpal etedi. Jalpy alǵanda, bir jyl ishinde salyq bazasynyń azaımaı, kerisinshe ulǵaıýyn kútemiz. Sonymen qatar kelesi jyly respýblıkalyq bıýdjetke 490 mlrd teńge kóleminde qomaqty qarajat berý josparlanǵan (bıyl – 250 mlrd). Soǵan qaramastan, biz almatylyq kásipkerlerdi qoldaý jóninde sheshim qabyldadyq», dedi qala ákiminiń orynbasary Oljas Smaǵulov.
