Foto: Oqý-aǵartý mınıstrligi
Kezdesýde aýyl ákimderi magıstratýra bitirgen pedagogterge biliktilik sanatyn avtomatty taǵaıyndaý týraly usynystaryn ortaǵa saldy.
Juldyz Súleımenova máselege qatysty pikirin aıtyp, sońǵy ýaqytta qoǵamda úlken pikirtalas týdyrǵan pedagog-zertteýshilerdiń avtorlyq baǵdarlamasyna qatysty da sóz qozǵady.
«Memleket basshysy Qasym-Jomart Kemeluly Toqaev pedagogterdi qorǵaýdy jáne qoldaýdy tapsyrdy. Búginde osy baǵytta «Pedagog mártebesi týraly» zańǵa ózgerister engizilip jatyr. Mınıstrlik pedagogıkalyq qaýymdastyqtyń usynys-pikirlerin eskere otyryp, ustazdardy attestattaý qaǵıdalaryn qaıta qaraý máselesin pysyqtaýda. Onyń ishinde ustazdardyń avtorlyq baǵdarlama ázirleýine qatysty másele búginde ózekti bolyp otyr. Al magıstratýra bitirgen ustazdarǵa birden biliktilik sanatyn berý jónindegi usynysqa men qarsymyn. Sebebi, orta bilim júıesinde muǵalimniń biliktiligi onyń sabaq berýdegi kásibı sheberliginiń deńgeıine qaraı baǵalanýy tıis», dedi Juldyz Súleımenova.
Mınıstr kezdesýde shaǵyn jınaqty mektepterdi qoldaý sharalary kúsheıtiletinin de aıtty. Osy baǵytta aýyl mektepterindegi bilim sapasyn jaqsartý, oqý úderisiniń tıimdiligin arttyrý sharalary qabyldanyp jatyr.
