Foto: Istock
Dúnıejúzilik bank jyl saıyn resmı túrde tanylǵan halyqaralyq derekkózder negizinde qalyptastyrylatyn statıstıkalyq tıimdilik kórsetkishteri (Statistical Performance Indicators – SPI) reıtıngin jarııalaıdy. Atalǵan reıtıngte ulttyq, óńirlik, jahandyq baǵalaýlardy qosa alǵanda, álemdik damý týraly ózekti ári dál derekter jınaqtalyp otyrady.
Strategııalyq josparlaý jáne reformalar agenttiginiń málimetinshe, statıstıkalyq tıimdilik kórsetkishteri – ulttyq statıstıka júıesiniń derekterdi paıdalaný, kórsetiletin qyzmetter, statıstıkalyq ónimder, derek kózderi, derekter ınfraqurylymy sııaqty krıterııler boıynsha múmkindikterin kórsetedi. Baǵalaý dıapazony – 0-den 100-ge deıin, 100 – eń joǵary deńgeı.
О́tken jyldyń derekterine sáıkes, Qazaqstannyń ulttyq statıstıka júıesi 100 múmkin baldyń 84,9-in jınaǵan. Jalpy kórsetkishtiń ósýine kelesi komponentterdiń jaqsarýy yqpal etken.
Derekterdi paıdalaný: +10,
Derek kózderi: +10,2,
Derekter ınfraqurylymy: +10
Derekterdi usyný qyzmetteri: +1,1 ball.
SPI-2024 reıtınginde statıstıkalyq júıeleri kósh bastap turǵan elder – Norvegııa, Shvesııa, Kanada.
