Ákimniń aıtýynsha, mundaı ósimge joǵary tehnologııalyq óndiristerdi iske qosý arqyly qol jetip otyr. Mysaly, bıyl Qostanaıda iske qosylǵan «KIA» zaýyty 68 ónerkásiptik robotpen jabdyqtalǵan. Atalǵan kásiporynda óndiristik jelilerdiń 60%-y avtomattandyrylǵan. Al «KamLitKZ» kásiporyndarynda óndiris tıimdiligin 15%-ǵa arttyratyn JI jáne mashınalyq kóz júıeleri engizilgen.
«Zamanaýı óndirister jańa formattaǵy mamandardy talap etedi. Osyǵan baılanysty óńirdiń JOO-da álemniń jetekshi ýnıversıtetterimen qos dıplomdy bilim berý baǵdarlamalary ashyldy. «Aqparattyq tehnologııalar» mamandyǵyna basymdyq berilip otyr, soǵan sáıkes jasandy ıntellekt kafedrasy ashyldy», deıdi oblys ákimi.
Jalpy, bıylǵy 10 aıdyń ishinde óńirdiń óńdeý ónerkásibindegi óndiris kólemi 2 trln teńgeni qurap otyr. Onyń ishinde mashına jasaý salasyndaǵy ósim 22,6%-ǵa jetti.
