О́ndirýshiniń baǵasyn tirkeýdiń biryńǵaı tásili, marketıngtik jáne kólik ústemelerin alyp tastaý, generıkterge baǵany 30%-ǵa tómendetý, sondaı-aq halyqaralyq referattaý obektıvti shekti baǵalardy qalyptastyrýǵa jáne negizsiz qymbattaýdy boldyrmaýǵa múmkindik beredi.
Mysaly, Imatınıb dárisi 9 450 teńgeden 2 348 teńgege deıin, Bevasızýmab 360 000 teńgeden 77 000 teńgege deıin arzandaǵan.
Dári-dármekterdi satyp alý sheńberinde qymbat onkologııalyq preparattardy qosa alǵanda, 66 pozısııa boıynsha baǵanyń tómendeýine qol jetkizilgen.
Otandyq jetekshi farmasevtıkalyq óndirýshiler jańa qaǵıdalardy qoldady. «Nobel AFF», «Abdı Ibragım Global Farm», «Hımfarm», «Kelun-Kazpharm» kompanııalary jáne basqalary jetkiziletin preparattardyń baǵasyn beıimdep, jelisin keńeıtti.
Únemdelgen qarajat qymbat emdeýdi qajet etetin pasıentterdi qamtamasyz etýge jumsalady.
