Foto: primeminister.kz
Atalǵan oblysta 7,6 mln tonnadan astam astyq bastyrylǵan. Otandyq seleksııadaǵy «Aqmola-2», «Astana-2» jáne «Aına» tuqymdary qoldanylǵan sharýashylyqtarda ortasha ónimdilik gektaryna 30 sentnerden asqan. Al «Maksımovskoe» JShS-de ónimdilik gektaryna 41,2 sentnerge jetken.
Sharýalar mundaı joǵary kórsetkishke mıneraldy tyńaıtqyshtardy, elıtalyq tuqymdardy jáne ósimdikti qorǵaý quraldaryn tıimdi qoldaný arqyly qol jetkizip otyr.
Aqmola oblysy egis alqaptaryn ártaraptandyrý boıynsha da kóshbasshylar qatarynan kóringen. Bıyl maıly daqyldar alqaby byltyrǵy kórsetkishten 2,5 esege asyp túsip, 500 myń gektarǵa jetken.
Budan bólek, jyl basynan beri oblysta 1 trln teńgeniń aýyl sharýashylyǵy ónimi óndirilgen.
О́ńirde aýyl sharýashylyǵy ónimderiniń tereń óńdeý úlesin arttyrý maqsatynda halyqaralyq kompanııalarmen seriktestik ornatylǵan.
Qazan aıynda Shortandy aýdanynda taǵy bir astyqty tereń óńdeý keshenin salý jóninde Hopefull Grain kompanııasymen strategııalyq kelisimge qol qoıylǵan. Investısııa kólemi 1,5 mıllıard dollardy quraıdy.
Sondaı-aq Esil aýdanynda bıdaıdy óńdeý jáne jem óndirý zaýyttaryn, elevator men qurama jem zaýytyn salý josparlanyp otyr.
