«Talaptarǵa sáıkes tapsyrys berýshiler 30 kún ishinde jetkizýshini memlekettik satyp alýdyń adal emes qatysýshysy dep taný týraly talap aryzben sotqa júginýge mindetti. Alaıda, taldaý kórsetkendeı, memlekettik mekemeler men kásiporyndar bul merzimderdi birneshe ret elemegen. Mundaı áreketsizdik adal emes jetkizýshilerdiń jaýapkershilikten jaltarýyna múmkindik beredi. Tipti olar shart talaptaryn oryndamasa da jazadan qutylady. Zańda mundaı zańbuzýshylyqtar úshin laýazymdy tulǵalardyń ákimshilik jaýaptylyǵy tikeleı kózdelgen», delingen óńirlik prokýratýranyń habarlamasynda.
Mysaly, sot «KAZ SERVICE PVL» JShS-ne qatysty «Aqsý qalasynyń mektep-lıseıi» KMM-niń talap aryzyn zańda belgilengen merzimdi ótkizip alýyna baılanysty qanaǵattandyrýdan bas tartqan. Iаǵnı, mekeme seriktestik tarapynan mindettemelerdiń buzylǵanyn 2024 jylǵy tamyz aıynda bilgen. Alaıda talap tek bes aı ótken soń berilgen.
Prokýratýranyń engizgen usynysy negizinde Ishki memlekettik aýdıt departamenti mektep dırektoryn ákimshilik jaýapkershilikke tartyp, aıyppul saldy.
Osyndaı quqyqbuzýshylyqqa jol bergen 19 laýazymdy tulǵa jaýapkershilikke tartylǵan.
Pavlodar oblysy
