Janat Jaqııanov kásipqoı boksta 25 ret jeńiske jetti

ASTANA. 10 mamyr. Kásipqoı boksta el namysyn qorǵap júrgen boksshylarymyzdyń biri Janat Jaqııanov kezekti jeńisine qol jetkizdi. Jeńil salmaqta synǵa túsetin ol keshe túnde Argentına boksshysy Gektor Rolandodan basym túsip, WBA International tujyrymy boıynsha chempıon atandy. Bul týraly vesti.kz habarlady. Jekpe-jek asa tartysty ótti. Alǵashqy mınýttardan-aq tizgindi qolǵa alǵan Janat úziliske deıin qarsylasyn bir márte nokdaýnǵa jiberip úlgerdi. Degenmen, ekinshi raýndta Rolandonyń kebin ózi kıip, nokdaýnǵa tústi. Tórtinshi raýndta tartysqa tolyǵymen baqylaý júrgizgen qazaq boksshysy argentınalyqty taǵy bir eseńgiretip aldy. Jekpe-jektiń kelesi bóliginde Rolandonyń qarsylyq kórsetýge esh shamasy bolmady. Al altynshy raýndta Jaqııanov qarsylasyn nokaýtqa jiberdi. Bul – otandasymyzdyń kásipqoı bokstaǵy 25-jeńisi. Sonyń ishinde 18-in nokaýtpen aıaqtady. Bir márte qarsylasyna ese jibergenin aıta keteıik. О́z kezeginde Gektor Rolando osyǵan deıin 14 jekpe-jek ótkizip, barlyǵynda jeńiske jetken. Iаǵnı, bul onyń alǵashqy jeńilisi. Qazirgi tańda kásipqoı bokstan Búkilálemdik boks keńesiniń (WBC) reıtınginde Janat Jaqııanov kósh bastap tur. Desek te, atalǵan tujyrym boıynsha álem chempıony japonııalyq Shınsýkı Iаmanaka ekenin aıta keteıik. Sondaı-aq, jerlesimiz Búkilálemdik boks qaýymdastyǵy (WBA) tujyrymy boıynsha reıtıngtik kórsetkishte úshinshi orynda keledi. Bul tujyrymda álem chempıony ataǵyna – Domınıkan Respýblıkasynyń ókili Hýan Karlos Paıano ıe. Jaqııanovtyń promoýteri Rıkkı Hatton shákirtiniń aldaǵy ýaqytta osy álem chempıondarymen jekpe-jek ótkizýge nıetti ekenin jetkizdi. Elaman Qońyr. Derek: vesti.kz. Sýret: vringe.com.