Foto: Almaty qalasy ákimdigi
Búginde ákimdiktiń jobalyq keńsesiniń qoldaýymen qalanyń 11 komıýnıtı-ortalyǵy jumys istep tur. Bul ortalyqtarda jastarǵa psıhologııalyq jáne zańgerlik kómek, jumysqa ornalasý, kásibı baǵdar jáne kásipkerlik boıynsha keńes berý qyzmetteri tegin kórsetiledi. Sondaı-aq olar bastamasy men jobasyn damytý úshin kovorkıng-aımaqtaryn paıdalana alady.
Osy kezeń ishinde jastardyń shamamen 10 000-y jumysqa ornalasý máselesi boıynsha, al 6 myńy psıhologııalyq jáne quqyqtyq qoldaý baǵytynda keńes alǵan. Jyl sońyna deıin taǵy 5 komıýnıtı ortalyqty iske qosý josparlanyp otyr.
Qala ákimdiginiń málimetinshe, buǵan qosa, qala boıynsha 100 demalys ortalyǵy jumys isteıdi, onda jastar shyǵarmashylyq jáne sporttyq úıirmege, sheberhana men seksııaǵa qatysa alady. Jyl basynan beri josparlanǵan 20 nysannyń 14-inde jańǵyrtý jumystary aıaqtalǵan, qalǵandaryn jańartý jyl sońyna deıin tolyq aıaqtalady.
