Foto: Aqorda
«Memleket basshysy Parlamenttik reforma jónindegi jumys tobynyń qazan aıynda ótken alǵashqy otyrysynda kelip túsken usynystardy jan-jaqty qarastyryp, parlamenttik júıeni jańǵyrtý jóninde usynymdar ázirleý kerek ekenin aıtty. Otyrystan keıin aldaǵy parlamenttik reformaǵa qatysty usynystar jınaqtaý isi bastaldy. Jumys tobynyń músheleri jáne Amanat, Aýyl, Respublica, Aq jol, QHP, JSDP saıası partııalary ózderiniń tásilderi men usynymdaryn joldady. Búgingi tańda E-otinish jáne E-gov platformalary arqyly azamattardan, sarapshylardan, qoǵam belsendilerinen 350-den astam usynys kelip tústi. Keshe Parlamenttik reforma jónindegi jumys tobynyń kezekti otyrysy ótti», dedi memlekettik keńesshi Erlan Qarın.
Bolashaq bir palataly Parlamentti qalyptastyrýǵa qatysty máselelerdiń birinshi blogy qaraldy:
- Bir palataly Parlament quramyndaǵy depýtattar sany.
- Parlament depýtattaryna qoıylatyn biliktilik talaptary.
- Parlament depýtattaryn saılaý tártibi.
- Jańa Parlamenttiń ókilettilik merzimi.
- Parlamenttegi kvotalar (prezıdenttik, partııalyq tizim).
Eki saǵattan astam ýaqytqa sozylǵan konstrýktıvti talqylaý barysynda túrli sarapshylyq kózqarastar men paıymdy pikirler aıtylǵan.
«Otyrysta aıtylǵan usynystardy qosymsha taǵy da egjeı-tegjeıli saralap, júıeleý týraly sheshim qabyldandy. Jumys tobynyń aldaǵy otyrystarynda parlamenttik júıeni jańǵyrtýdyń basqa da baǵyttary qarastyrylatyn bolady», dedi Erlan Qarın.
