ASTANA. 10 mamyr. Polshada eldegi barlyq saılaý ýchaskeleri ashylyp, prezıdent saılaýy ótip jatyr. Bul týraly RIA «Novostı» habarlady.
Polıaktarǵa bul kúni el azamattarynyń 100 myńnan astamynyń qoldaýyna ıe bolǵan 11 kandıdat arasynan prezıdentti tańdap alýǵa týra keledi. Al memleket basshylyǵyna úmitkerlerdiń arasynda qazirgi is basyndaǵy prezıdent Bronıslav Komorovskı, «Quqyq jáne ádildik» ulttyq-konservatıvtik partııasy usynǵan Andjeı Dýda, Solshyl demokratııalyq kúshter odaǵy qoldaýshy Magdalena Ogýrek, Polıak sharýalar partııasynan Adam Iаrýbas, «Ulttyq qozǵalys» partııasynan Marıan Kovalskı, «Seniń qozǵalysyń» partııasynan Iаnýsh Palıkot, ORWiN partııasynan Iаnýsh Korvın-Mıkke, táýelsiz kandıdat Pavel Kýkız, Jańa ońshyldar kongresinen Iаsek Vılk, «Tikeleı demokratııadan» Pavel Tanaıno jáne táýelsiz kandıdat Gjegoj Braýn bar.
Eger búgingi birinshi týrda Polsha prezıdenttigine kandıdattardyń birde-biri saılaýshylar daýysynyń jartysynan astamyn jınaı almaıtyn bolsa, 24 mamyr kúni ekinshi týr ótetin bolady.
Salynǵan saýaldamaǵa sáıkes, Polsha azamattarynyń basym bóliginiń qazirgi is basyndaǵy prezıdent Bronıslav Komorovskıdi jaqtaıtyndary belgili bolyp otyr. Soǵan qaramastan, onyń birinshi týrda jeńiske jetetinine senim joq. Sebebi, osy kezge deıin monıtorıng kórsetkishteri udaıy ózgerip keldi. Máselen, naýqannyń bastalǵan shaǵynda Komorovskıdi jaqtaýshylar qatary 60 paıyzǵa teń bolsa, sońǵy kezderi bul beldeý 35 paıyzdan asa almaı qaldy. Sarapshylar is basyndaǵy prezıdenttiń reıtıngisi buryn-sońdy dál bulaı túsip kórmegenin aıtady.
О́ziniń sózderinde Komorovskı búkil Eýropaǵa, sonyń ishinde Polshaǵa Reseı tarapynan tónip turǵan qaýip jóninde jıi aıtyp júr. «Reseı tarapynan kórshilerine jaǵymsyz kózqaras Reseı-Ýkraına daǵdarysynyń basty sebebi boldy, bul qazir kúlli Eýropanyń, sonyń ishinde Polshanyń qaýipsizdigine qater tóndirip tur», - dedi ol ótken seısenbi kúni Elblongte saılaýshylar aldynda. Elblong qalasy Polsha-Reseı shekarasyna jaqyn mańda, Kalınıngrad oblysynyń qasynda ornalasqan.
Is basyndaǵy polıak prezıdenti osy sebepten Varshavanyń qorǵanys qabiletin, sonyń ishinde «shekara kúzetiniń áleýetin paıdalanýǵa» múmkindik beretin mehanızmdi kúsheıte túsýge tıis ekenin atap ótti.
Alaıda, sarapshylar elektorat saılaýdaǵy tap osyndaı vektory úshin Komorovskıden aıaqtaryn tarta bastaǵanyn aıtady. Taldaýshylar saılaý kezinde amerıkalyq keńesshilerdiń yqpalymen jumys jasap jatqan is basyndaǵy prezıdenttiń osyndaı sózderi saldarynan elektorattyń belgili bir bóligi onyń negizgi qarsylasy Dýda jaǵyna aýyp ketken dep esepteıdi. Sońǵy suraý salýda bulardyń keıingisi 27 paıyzdyq daýys aldy. Ol alǵashqy kezderi tek 15 paıyz tóńireginde tur edi.
Murat Aıtqoja.
Derek, sýret: RIA Novostı.
