Álem • 04 Jeltoqsan, 2025

Eýropalyq Odaq Reseı gazynan tolyqtaı bas tartatyn boldy

60 ret

kórsetildi

1 mın

oqý úshin

Eýropalyq keńes pen Eýroparlamenttiń sheshimi boıynsha reseılik qubyr gazynyń jetkizilimi 2027 jylǵy 30 qyrkúıekten keshiktirilmeı toqtatylýy tıis. Keıbir jaǵdaılarda merzim 2027 jyldyń 1 qarashasyna deıin uzartylýy múmkin, dep jazady Egemen.kz.

Shyńǵys MUQAEV

Eýropalyq Odaq Reseı gazynan tolyqtaı bas tartatyn boldy

Foto: pixabay

Bas tartý jospary bekitildi

Buryn jasalǵan uzaqmerzimdi kelisimsharttar úshin ótkel kezeńi qarastyrylǵan.

2025 jyldyń 17 maýsymyna deıin qol qoıylǵan qysqa merzimdi kelisimsharttar boıynsha tyıym erterek kúshine enedi.

- Suıytylǵan tabıǵı gaz (SPG) boıynsha 2026 jylǵy 25 sáýirden;
- qubyr gazy boıynsha 2026 jylǵy 17 maýsymnan bastap.

Eýrokomıssııanyń málimdemesi

«Eýropalyq Odaq (EO) elderi senimdi seriktesterden energııa alýǵa jáne jańartylatyn kózderden elektr óndirýge kóshýde. Biz reseılik gazdan tolyq bas tartamyz», dep málimdedi Eýrokomıssııanyń tóraǵasy Ýrsýla fon der Lıaıen.

NRG_monitor málimetinshe, jańartylatyn energııa kózderi (JEK) – jaqsy, biraq Eýropada reseılik qubyr gazynyń ornyna amerıkalyq SPG qoldanylǵannan keıin elektr energııasy baǵasynyń qymbattaǵany baıqaldy.

Sonymen qatar, EO Túrkııadan gaz satyp alýdy jalǵastyra beredi.
Al Túrkııa gazdy Reseıden «Kógildir aǵyn» jáne «Túrik aǵyny» arqyly alady.