Oblystyq jumyspen qamtý jáne áleýmettik baǵdarlamalar basqarmasynyń bólim basshysy Gúlbolat Amanǵalıevanyń deregine súıensek, 7 121 jas jumyspen qamtylypty. Tarqatyp aıtqanda, turaqty jumysqa 4 myńǵa jýyǵy, al sýbsıdııalanatyn oryndarǵa 3 154 adam jas ornalasqan.
«Maýsym aıynan beri 33 jas qysqa merzimdi kýrsqa jiberildi. Al Online skills platformasy arqyly oqýǵa 729 jas tartylyp, 550-i sertıfıkat aldy. «Bastaý-Bıznes» jobasymen 862 jas kásipkerlik negizderin meńgerý úshin oqýǵa qatysty. Onyń ishinde 500-ge jýyǵy sertıfıkat alyp, 71 jas jumysqa ornalasty. Al 43 jasqa memlekettik grant berildi», deıdi Gúlbolat Amanǵalıeva.
Onyń málimetinshe, turmysy tómen toptaǵy 114 jas jeke kásibin bastaý úshin 400 AEK kóleminde qaıtarymsyz grant qarjysyn alǵan. Sondaı-aq 13 500 jasqa kásibı baǵdarlaý qyzmeti kórsetilgen.
