Qyrym tatarlaryna deportasııa qurbandaryn eske alýǵa ruqsat etilmedi

ASTANA. 10 mamyr. Qyrymdaǵy Sımferopol qalasynyń bıligi qyrymly halqynyń 18 mamyr kúni deportasııa jasalǵanyna 71 jyl tolýyn atap ótetin qaraly mıtıng ótkizýge ruqsat bermedi. Bul týraly ras.kz habarlady. «Sımferopoldiń qalalyq ákimshiligi qyrym tatarlaryna 18 mamyr kúni halyqqa jasalǵan deportasııaǵa 71 jyl tolýyna baılanysty qaraly mıtıng ótkizýge tyıym saldy», - delingen habarlamada. Sımferopol qalalyq ákimshiliginiń basshysy Gennadıı Baharev ákimshilikke qyrym tatarlary ókilderi men qoǵamdyq uıymdardan osyǵan baılanysty tıisti úndeýdiń kelip túskenin málimdedi. «Olar jappaı aksııany Lenın alańynda, Kásipodaqtar úıi mańynda ótkizýdi josparlaǵan. Biraq biz muny ótkizýge ruqsat bergeli otyrǵan joqpyz», - dedi ol. Qala basshysy Lenın alańynda «memlekettik merekelerden bólek, keń aýqymdy aksııalar ótkizý qarastyrylmaǵanyn» aıtty. Buǵan qosa, onyń aıtýynsha, jaqyn aralyqta bul alańdy qorshap tastaý mejelengen. «Munda áldeqandaı bir aksııalar ótkizýge jol berilmeıdi», - dedi ol. Eske sala keteıik, qyrym tatarlary halqynyń medjılısi Sımferopol qalalyq bıligine 1944 jylǵy 18 mamyrda júrgizilgen qyrymlylardy deportasııa jasaýdyń saldarynan qurbandyqqa ushyraǵandardy eske alý úshin Búkil qyrym tatarlarynyń qaraly sherýin ótkizýge ruqsat suraǵan bolatyn. Onda qyrym tatarlarynyń ótken jyly deportasııanyń 70 jyldyǵyna oraı Sımferopoldiń Lenın alańynda qaraly mıtıng ótkizýlerine de ózin ózi jarııalaǵan Qyrym bıligi ruqsat bermeı qoıǵany aıtylady. Qaırat Qulymbet. Derek, sýret: ras.kz.