Bul týraly habar jasaq qyzmetkerlerine joldan ótip bara jatqan azamattan túsken. Oqıǵa ornyna jedel jetken polıseıler qolynda pyshaǵy bar, emosııalyq kúızeliste turǵan azamatty anyqtady. Er adam ne sebepti mundaı áreketke barǵanyn túsindire almaǵan.
Polısııa qyzmetkerleri jaǵdaıdy jedel baqylaýǵa alyp, er adamnyń ózine zııan keltirýine jol bermeı, aınaladaǵy azamattardyń qaýipsizdigin qamtamasyz etti. Keıin ol medısınalyq jáne psıhologııalyq kómek kórsetý úshin dárigerlerge tapsyryldy.
«Bizdiń qyzmetkerler óte jyldam ári saq áreket etti. Eń bastysy, adam ómirin saqtap qalý boldy. Azamattyń qyraǵylyǵy men JQAJ jaýyngerleriniń jedel jumysynyń arqasynda qaıǵyly jaǵdaıdyń aldyn aldyq», dedi Almaty qalasy PD JQAJ komandıri Azamat Isergýjın.
Almaty qalasy Polısııa departamenti beıjaı qaramaı, ýaqytyly habar bergen turǵyndarǵa alǵys bildiredi jáne azamattardy ómir men densaýlyqqa qaýip tóndiretin kez kelgen jaıt týraly dereý «102» nómirine habarlaýǵa shaqyrady.
