Tek alǵashqy demalys kúnderiniń ózinde 1,15 mlrd teńgeden astam somaǵa bılet satylyp, 504 myńnan astam kórermen tartqan. Qalaı desek te, bul – Qazaqstan prokaty tarıhyndaǵy barlyq anımasııalyq fılmder ishindegi eń kassalyq kórilim ǵana emes, aýqymy jaǵynan «Avatar: Sý jolynan» keıingi ekinshi iri startqa aınalyp otyr.
Taǵy bir atap óterlik tusy, «Ańdar shahary» keıipkerleri alǵash ret qazaq tilinde sóılep, Gúlnara Sılbaeva, Asan Májit, Sabıra Jarasqyzy, Baqytjan Álpeıis, Shah-Murat Ordabaev syndy qazań akterlary dýblıajdy dybystady.
«Ańdar shahary 2» anımasııalyq kartınasynyń qazaqsha nusqasy 110,8 mln teńge jınap, barlyq tabystyń 14,5%-yn qamtamasyz etken.
Rekordtyq aqparat taǵy bir aıtýly oqıǵamen tuspa-tus kelip otyr. Disney alǵash ret Qazaqstandaǵy jergilikti kompanııamen kelisimshart jasady. Álemge aıgili stýdııa otandyq RTS Decaux kompaenııasymen birge Astana men Almaty qalalarynda aýqymdy syrtqy jarnama nasıhatyn birigip atqarsa, bul da Ortalyq Azııadaǵy Disney stýdııasy júzege asyryp otyrǵan alǵashqy yntymaqtastyq.
Álemdegi eń iri kınostýdııalardyń biri men qazaqstandyq syrtqy jarnama operatory arasyndaǵy osynaý seriktestik jaı ǵana marketıngtik joba emes, ol otandyq naryqqa degen senimniń bıiktep, damyǵanyn bildiredi.
Sarapshylar jahandyq stýdııanyń bul múddesin Qazaqstannyń syrtqy jarnama naryǵynyń qarqyndy ósýimen baılanystyryp otyr. Máselen, 2025 jyldyń birinshi jartysynda onyń kólemi 12,5 mlrd teńgeden asty.
«Ańdar shahary 2» fılmine toqtala ketetin bolsaq, jańa bólimde Djýdı Hops pen Nık Ýaıld Ańdar shaharyndaǵy beımilim aýdandarǵa baryp, ezekti tergeý isterimenmen betpe-bet keledi. Kezekti kartınada da alǵashqy bólimdi jasaǵan rejısserlar – Djared Býsh pen Baıron Hovard, prodıýser Ivett Merıno ter tókken.
Alǵashqy fılm shamamen 10 jyl buryn shyqqanyn jáne «Oskar», «Altyn Globýs», BAFTA sekildi talaı bedeldi marapatty jeńip alǵanyn, kartınany Shakıra, Makoleı Kalkın, Jan Reno, Idrıs Elba, Djeıson Beıtman, Djennıfer Gýdvın syndy daryndar dybystaǵanyn eske sala ketýge bolady.
