Býdjak dalasynda Gagaýzııa bashkanyn saılaý júrip jatyr

ASTANA. 22 naýryz. Búgin Moldova memleketiniń quramyndaǵy Gagaýzııa ákimshilik-terrıtorııalyq birliginde onyń bashkanyn, ıaǵnı basshysyn saılaý ótip jatyr. Bul týraly Lenta.Ru habarlady. Ákimshilik-terrıtorııalyq birliktiń basshy bolý úshin munda 10 kandıdat saılaýǵa túsip jatyr. «Alaıda, Reseı Federasııasymen baılanysty keńeıte túsý úshin kúresetin úmitkerdiń naqty múmkindigi bárinen artyq sanalyp otyr», - delingen habarlamada. Túrki tildes gagaýz halqynyń basyn quraıtyn Býdjak dalasynda bashkan saılaýyn jergilikti saılaý komıssııasy uıymdastyrady. Mundaǵy jurttyń erki men qalaýy prosesine Moldova bıligi múldem aralaspaıdy. Al saılaýshylardyń 50 paıyzdan astam bóligi kelgende saılaý óttige sanalady. Gagaýzııa – Moldovanyń ońtústik bóliginde ornalasqan avtonomııaoy terrıtorııalyq qurylym. Aımaqtaǵy turǵyndardyń 80 paıyzyn tegi men tili túrkilik, alaıda, dini pravoslavıe gagaýzdar quraıdy. Olar túrik, ázerbaıjan, túrikmen, afshar, qashqaı, qaradaǵ halyqtary tárizdi túrki tiliniń oǵyz tobyna jatady. 1990 jyly bul respýblıka óziniń táýelsizdigin jarııalap, 4 jyl boıy moıyndalmaǵan memleket mártebesinde tirshilik etti. 1995 jyly ol avtonomııa quqyǵymen Moldova quramyna qaıta kirdi. Murat Aıtqoja.