Beıtanys tulǵalar turǵyndarǵa telefon soǵyp, ózderin domofondardy qyzmet kórsetetin kompanııalardyń qyzmetkerleri retinde tanystyrady.
Alaıaqtar "kiltsiz kirý" qyzmetin qosyp berýdi usynyp, podezdiń esigin alty tańbaly jeke kod arqyly ashýǵa bolatynyn aıtady. Olar bul kod ár páterge jeke jasalady dep sendiredi. Alaıda quqyq qorǵaýshylardyń aıtýynsha, mundaı qyzmet múlde joq. Shyn máninde, kelisimge qol jetkizgen soń alaıaqtar azamattardyń jeke derekterin jınaýmen ǵana aınalysady.
Polısııa ókilderi atap ótkendeı, naqty domofon qyzmetin kórsetetin kompanııalar eshqashan telefon arqyly jeke aqparat suramaıdy jáne "kodpen kirý" qyzmetin resmı kelisimshartsyz qospaıdy.
Oqı otyryńyz: Byltyr derekterdiń zańsyz taralýy álem boıynsha 4,88 mlrd dollar shyǵyn ákeldi
Budan bólek, Qazaqstanda alaıaqtyq qońyraýlarǵa qarsy sharalar kúsheıtilip jatyr. Buǵan deıin habarlanǵandaı, kúdikti nómirler buǵattalady. Uıaly baılanys operatorlary arnaıy antıfrod júıelerin qoldanýǵa jáne azamattardyń shaǵymy túskennen keıin eki jumys kúni ishinde kúmándi qońyraýlardy tekserýge mindetti.
Quqyq qorǵaý organdary turǵyndardy barynsha saq bolýǵa shaqyryp, belgisiz nómirlerden keletin usynystarǵa senbeýge keńes beredi.
