Foto: Ashyq derekkóz
Oqý-aǵartý mınıstrliginiń málimetinshe, «Qazaqstan Respýblıkasynyń keıbir zańnamalyq aktilerine mádenıet, bilim berý, otbasy jáne memlekettik baqylaý máseleleri boıynsha ózgerister men tolyqtyrýlar engizý týraly» jańa Zańda memlekettik baqylaý men bilim berý uıymdaryn baǵalaý júıesiniń fýnksııalary naqty ajyratyldy. Sonyń nátıjesinde «Bilim týraly» zańǵa attestattaýǵa qatysty jańa erejeler engizildi.
«Bilim berý uıymdaryn attestattaý – bilim sapasy men qoljetimdiligin baǵalaýǵa, sondaı-aq memlekettik jalpyǵa mindetti standart talaptaryna sáıkestigin aıqyndaýǵa baǵyttalýda. Mundaǵy maqsat bilim berý uıymdarynyń jumys tıimdiligin arttyrý men oqý prosesin jetildirý bolyp tabylady», deıdi Bilim salasynda sapany qamtamasyz etý komıtetiniń tórǵasy Serik Áshirov.
Mınıstrlik usynǵan málimetke sáıkes, bıyldyń ózinde komıtettiń aýmaqtyq departamentteri 2 700-ge jýyq bilim berý uıymyn attestattaýdan ótkizgen.
