AQSh-ta egizderdiń eki túrli ákeden paıda bolǵany anyqtaldy

ASTANA. 9 mamyr. Qurama Shtattarda musylman sýdıaǵa erekshe isti qaraýdyń oraıy keldi – egiz balasyna ákesinen alıment alýǵa nıettengen áıeldiń perzentterin DNK testi boıynsha teksere kelgende, olardyń ekeýiniń eki túrli erkekten paıda bolǵany anyqtaldy. Bul týraly The Daily Mail habarlady. Egiz balalardyń ártúrli ákeden paıda bolýy sııaqty sırek kezdesetin qubylys geterpaterenaldy sýperfkýndasııa dep atalady. Basylymnyń málimeti boıynsha, 1997 jyly júrgizilgen alıment alý jónindegi talap-aryzdyń árbir 13 myńynshysynda osyndaı derek tirkelgen. Fızıologııalyq turǵydan kelgende, egizderdiń tabıǵı jaǵdaıda ártúrli ákeden paıda bolýy tek áıel eki erkekpen óte qysqa merzim aralyǵynda (birneshe kúnge deıin) jynystyq qatynasqa baryp, eki jumyrtqa kletkasynyń uryq berýshi bolyp shyqqan jaǵdaıynda ǵana múmkin bolyp tabylady. Atap ótý kerek, janýarlar arasynda mundaı qubylys adamdarǵa qaraǵanda jıirek kezdesedi eken. Osy ózgeshe isti qaraǵan Nıý-Djersı shtaty Passaık okrýginiń sýdıasy Sýhaıl Mýhammadqa arhıvten biraz jylǵy sot tájirıjesin aqtaryp qarap shyǵýǵa týra keldi. Osynyń nátıjesinde ol ártúrli ákeden raıda bolǵan egizderdiń 2 deregine kezikti. Bul joly sol qubylystyń oryn alǵanyna kózi jetken sýdıa isti qaraý qorytyndysynda jaýap berýshiniń ózi bıologııalyq ákesi bolyp tabylatyn balaǵa ǵana alıment tóleıtini týraly sheshim shyǵaryp berdi. Sýdıa Sýhaıl Mýhammad – tegi úndi musylman. Ol áýeli ınjener mamandyǵyn alyp shyǵady, sosyn zańger bolýǵa bet burady. Al advokat bolyp júrgen kezinde, 2011 jyly 11 qyrkúıekte bolǵan ataqty lańkestik oqıǵasyna baılanysty negizsiz ustalǵan ondaǵan musylmannyń múddesin qorǵaǵan. Qurysh Nurymbet. Derek, sýret: The Daily Mail.