Sýret: primeminister.kz
Jıynǵa sý resýrstary jáne ırrıgasııa mınıstri Nurjan Nurjigitov, Aýyl sharýashylyǵy mınıstri Aıdarbek Saparov, sý sharýashylyǵy uıymdarynyń, jergilikti atqarýshy jáne quqyq qorǵaý organdarynyń, sondaı-aq aımaqtyń sharýa qojalyqtarynyń ókilderi qatysty.
Kezdesýde oblys sharýalaryna transshekaralyq sýdyń kelýi azaıýyna baılanysty týyndaǵan qaýipter men sýarý maýsymynda sý resýrstaryn utymdy paıdalaný sharalary túsindirildi. Atap aıtqanda, ósiriletin aýyl sharýashylyǵy daqyldaryn ártaraptandyrý men sý únemdeý tehnologııalaryna kóshý isi talqylandy.
«Sý resýrstarynyń qoljetimdi kóleminiń azaıýy jalǵasyp otyrǵandyqtan, aldaǵy vegetasııa kezeńinde sý tapshylyǵy qaýpi bar. Bul – Ortalyq Azııanyń barlyq eli tap bolyp otyrǵan tabıǵı úderis. Sý kelý kóleminiń azaıý saldaryn barynsha azaıtý úshin aýyl sharýashylyǵy daqyldaryn ártaraptandyrý men sý únemdeý tehnologııalaryn engizýdi jedeldetý qajet. Ol úshin memleket barlyq jaǵdaıdy jasap jatyr. Bul sý resýrstaryn únemdeý máselesi ǵana emes, buǵan qosa eldiń sý men azyq-túlik qaýipsizdigi de osy máselege tikeleı baılanysty. Daıyndalýǵa ýaqyt bar, jaýapty organdar men jergilikti atqarýshy bılik, sondaı-aq dıqandar ony tıimdi paıdalanýǵa tıis», dedi Premer-mınıstrdiń orynbasary.
Eske sala keteıik, sýdy únemdeý men zamanaýı sýarý júıelerine kóshýge yntalandyrý maqsatynda uńǵymalardy burǵylaý, ınfraqurylym tartý, sý únemdeıtin jabdyqtar satyp alý shyǵyndaryn óteý úlesi 50%-dan 80%-ǵa deıin kóterildi. Sýarý sýyna saralanǵan tarıf engizildi. Sý únemdeý tehnologııalaryn qoldanatyn sharýa qojalyqtary úshin sý qunyn sýbsıdııalaý 60%-dan 85%-ǵa deıin ulǵaıdy.
2026–2028 jyldarǵa arnalǵan jalpy transfertter sheńberinde sý únemdeý tehnologııalaryn engizýdi ári eginge qajetti sý qunyn sýbsıdııalaýdy qoldaýǵa burynǵy úsh jyldyq kezeńmen salystyrǵanda tórt ese kóp qarajat bólindi.
Qabyldanǵan sharalar elimizde sý únemdeý tehnologııalary qoldanylatyn egistik alqaby kólemin jyl saıyn 150 myń gektardan astamǵa ulǵaıtýǵa múmkindik berdi. 2030 jylǵa qaraı respýblıkadaǵy 1,3 mln gektar sýarmaly jerdi zamanaýı sýarý júıelerimen qamtý josparlanyp otyr.
Búginde Jambyl oblysynda sý únemdeý tehnologııalary 66,5 myń gektarda qoldanylyp jatyr. Onyń qatarynda jańbyrlatyp sýarý júıesi – 19,3 myń gektar, tamshylatyp sýarý – 44,6 myń gektar, lazerlik tegistegishpen – 2,6 myń gektar.
Buǵan qosa, keńeste aýyl turǵyndarynyń tabysyn arttyrýǵa baǵyttalǵan «Aýyl amanaty» jobasynyń negizgi tetikteri de talqylandy.
Bıyl jobany iske asyrý boıynsha jańa tásilder ázirlendi. Atap aıtqanda, rásimderdi jeńildetip, basym baǵyttardy qoldaýǵa arnalǵan jańa qaǵıdalar bekitilip, qoldanylyp jatyr. Eń aldymen ósirýden bastap ótkizýge deıingi tolyq óndiristik sıkldy qamtamasyz etetin qyzmet túrlerin, sondaı-aq kooperatıvterdi qoldaý negizgi basymdyqtar retinde aıqyndaldy.
Jıynda qarjylandyrý lımıtteri engiziletini de aıtyldy: qarajattyń 40%-ǵa deıingi kólemi – mal sharýashylyǵyna, keminde 20%-y óńdeý salasyna baǵyttalady. Buǵan qosa, aýyl sharýashylyǵy salasyna jatpaıtyn jańa bıznes túrleri de tizimge engizildi.
2026–2028 jyldary Jambyl oblysynda 1 myńnan asa jobany iske asyrýǵa 31 mlrd teńgeden astam qarjy bólý josparǵa engizilgen. О́ńirde mal sharýashylyǵynyń joǵary kórsetkishterine qaramastan, bordaqylaý, soıý, saqtaý, óńdeý men logıstıka ınfraqurylymy jetkiliksiz. Osyǵan baılanysty ákimdikterge, onyń qatarynda shaǵyn ındýstrııalyq aımaqtar qurý boıynsha tıisti tapsyrmalar berildi.
Negizgi kedergilerdiń biri – aýyl turǵyndarynyń bir bóliginde jetkilikti kepildiń bolmaýy. Osyǵan baılanysty vıse-premer «Damý» kásipkerlikti damytý qoryna jáne Ulttyq ekonomıka mınıstrligine usynystar engizýdi tapsyrdy.
