Talqylaýǵa «Atameken» UKP, «Báıterek «UBH» AQ barlyq oblystyq fılıaly, bıznes, ákimdik ókilderi qatysty. 2025 jylǵy 27 qarasha men 5 jeltoqsan aralyǵynda barlyq óńirde kezdesý ótti. Oǵan 500-den astam adam qatysty.
19 qarashada Úkimet otyrysynda usynylǵan baǵdarlama makroekonomıkalyq turaqtylyqty nyǵaıtýǵa, ınflıasııany tómendetýge, ishki óndiristi molaıtyp, azamattardyń ál-aýqatynyń turaqty ósýine arnalǵan. Ulttyq ekonomıka birinshi vıse-mınıstri Azamat Ámrın usynylǵan sharalar ortamerzimdik perspektıvada turaqty ekonomıkalyq damýdyń berik irgetasyn qalaıtynyn atap ótti.
Baǵdarlamany iske asyrýdyń negizgi operatory retinde «Báıterek» ulttyq ınvestısııalyq holdıngi belgilengen. Ol kásipkerlikti, eksporttyq jobalardy, AО́K jáne qoljetimdi turǵyn úı baǵdarlamalaryn jáne t.b. qoldaıdy. Holdıng ekinshi deńgeıdegi banktermen birlesip, iri ınvestısııalyq jobalar úshin de, ekonomıkalyq ósýdiń jańa núkteleri úshin de naqty sektorǵa uzaqmerzimdik kredıt berýdiń negizgi kózine aınalmaq.
2026 jylǵy holdıng jobalarynyń portfeli kelesideı: 42% – hımııa jáne munaı – gaz hımııa ónerkásibi, 19,6% – kólik jáne logıstıka, 12,1% –energetıka, 7,1% – TMK, 6,4% – AО́K jáne tamaq ónerkásibi.
Qarjylandyrýǵa qol jetkizý úshin Úkimet 2026 jyly holdıngke kapıtaldandyrý úshin 1 trln teńgege deıin qarjy bólýdi jalǵastyrady. 2027-2028 jyldary qosymsha qoldaý máselesi bıylǵy ekonomıkalyq jaǵdaı men naqty sektordyń qajettiligine súıene otyryp, qaralmaq.
«Investısııaǵa tapsyrys» baǵdarlamasy sheńberinde holdıng óńirdegi jobalardy taldaý úshin ákimdiktermen jumys kezdesýin ótkizedi. Ortalyq memlekettik organdar da óz usynysyn qurmaq. Barlyq bastama júıeli súıemeldeý úshin ulttyq sıfrlyq platformaǵa engiziledi.
ShOB eksportqa baǵdarlanǵan jobalarǵa úlken qyzyǵýshylyq bildirdi. Mundaı bastamalardy qarjylandyrý tetigi boıynsha 20% menshikti qarajat jáne 80% «Báıterek» holdıngi arqyly qaryzdyq qarjy berilýi múmkin.
Sonymen qatar, holdıng óńirlerdiń artyqshylyqtaryna – tabıǵı resýrstarǵa, kólikke qol jetkizýge, týrıstik áleýetke jáne ınfraqurylymǵa negizdelgen jańa óndiris qurýdy belsendi túrde usynady.
Keńes barysynda qatysýshylardyń barlyq máselesi tyńdaldy. Olardyń kópshiligi ShOB-ty damytý, paıyzdyq mólsherleme, shaǵyn ónerkásip aımaǵyn qurý, MJÁ tetikteri men ónimdi satýǵa qatysty. Ár suraqqa egjeı-tegjeıli túsinik berildi. Jobanyń búkil merzimine paıyzdyq mólsherlemeni sýbsıdııalaýǵa kepildik berý – negizgi másele.
Buǵan jaýap retinde «Báıterek» holdınginiń ókilderi «Damý» qorynyń baǵdarlamalaryn transformasııalaý sheńberinde tikeleı sýbsıdııalaý aıtarlyqtaı qysqartylǵanyn jáne EQJJ tizbesi boıynsha tek jobalarǵa ǵana 200 mln teńgege deıin saqtalatynyn túsindirdi. Qoldaýdyń negizgi quraly ekinshi deńgeıdegi bankterdi jeńildikti mólsherlememen qorlandyrý. Bul bızneske jobanyń búkil merzimine jyldyq 12,6% qarjy alýǵa múmkindik beredi.
Bul sharttarǵa kepildik berilmek. О́ıtkeni qorlandyrý qarajaty «Báıterek» arqyly bólinip, «Damý» qoryna berildi. Joba bolashaq bıýdjettik sheshimderge táýeldi emes. Qarjylandyrýǵa kredıt berýdiń barlyq kezeńinde qol jetkiziledi.
