Foto: aa.com.tr
Prezıdent aldymen AQSh-tyń jańadan saılanǵan basshylyǵymen baılanysqa toqtaldy.
«Erteń Trampqa jańartylǵan kelisim jobasyn usynamyz. Qazir ony eýropalyq áriptesterimizben birge ázirlep jatyrmyz», dedi Zelenskıı.
Ol sondaı-aq Reseımen tikeleı kelissóz júrgizilip jatqanyn joqqa shyǵardy.
«Ýkraına Reseımen tikeleı kelissóz júrgizip jatqan joq. Oǵan Reseı qulyqsyz», dedi ol.
Sonymen birge Zelenskıı energetıkalyq ınfraqurylymǵa shabýyl jasamaý týraly bitim jasasýǵa ázir ekenin málimdedi.
Prezıdent soǵys alańyndaǵy jańalyqtarǵa da toqtaldy.
«Ýkraına óz qarýlaryn – balıstıkalyq «Sapsandy», jańartylǵan «Neptýndy», sondaı-aq «Palıanısa» men «Flamıngolardy» qoldanýda», dedi ol.
Basty málimdemelerdiń biri – saılaý ótkizý máselesi.
«Men saılaý ótkizýge daıynmyn. Saılaý máselesin Ýkraına halqy anyqtaıdy. Men erteń Ýkraınada bolamyn. Sol sátte bizdiń seriktesterden, depýtattardan áskerı jaǵdaıda saılaý ótkizý týraly usynys kútemin. Ol úshin zańnamalyq ózgerister kerek bolmaq. Al qazir AQSh-tan jáne eýropalyq áriptesterden saılaýdy ótkizý úshin qaýipsizdikti qamtamasyz etýdi suraımyn. Sonda biz aldaǵy 60-90 kúnde saılaý ótkize alamyz», dedi Zelenskıı.
Ol sondaı-aq NATO máselesine qaıta toqtaldy.
«Men realıstpin. Bizdiń NATO-ǵa qosylǵymyz keledi. Bul – ádiletti. Biraq, AQSh ta, ózge birneshe el de bizdi NATO-da kórmeıdi. Reseı ekibastan», dedi Ýkraına prezıdenti.
Eske sala keteıik, 2025 jylǵy 29 qarashada, Astana ýaqytymen 06:00-de Novorossıısk qalasynda ornalasqan port aýdanyndaǵy teńiz ınfraqurylymyna ushqyshsyz qurylǵylar shabýyldaǵan. Saldarynan aılaqtaǵy ATQ-2 qondyrǵysy isten shyǵyp qaldy. Bul shabýylǵa qatysty áýeli Qazaqstan Syrtqy ister mınıstrligi, odan soń Ýkraına Syrtqy ister mınıstrligi málimdeme jasady. Al sarapshylar Kaspıı qubyr konsorsıýmynyń (KTK) turaqty jumysy elimiz úshin asa mańyzdy ekenin aıtty. Tipti KTK-ǵa jasalǵan sońǵy shabýyldyń el ekonomıkasyna ǵana emes, azamattarǵa da yqpal etýi múmkin.
Buǵan deıin Syrtqy ister mınıstri Ermek Kósherbaevtyń KTK-ǵa jasalǵan shabýyldy Ýkraına tarapymen talqylaǵan habarlaǵan edik.
