Foto: info.homsters.kz
Rrodengi.kz málimetinshe, baǵdarlamaǵa qatysýshylardyń 6 322-si Astana, Almaty, Shymkent qalalarynda turady. Baǵdarlamaǵa oblys ortalyqtarynan 2 277 azamat engen. Al aýdandar men monokentterde taǵy 401 turǵyn bank klıenti.
Qatysýshylardyń kóbi – 35 jasqa deıingiler (barlyǵy 5 379 adam). Bulardyń basym bóligi úılengen jáne balaly jastar.
Sondaı-aq «Naýryz» baǵdarlamasynyń qazirgi tiziminde 21,3 % qatysýshylar – áskerı qyzmetkerler men arnaıy memlekettik organdardyń qyzmetkerleri.
«Osyǵan baılanysty, barlyǵy 2026 jylǵy 13 qańtarǵa deıin, ıaǵnı osy kúnge deıin «Otbasy bankke» nesıege ótinish berýdi aıaqtaýy tıis. О́tinishti bank bólimshesine barmaı-aq, onlaın túrde berýge bolady», dep habarlady qarjylyq uıym.
Eger baǵdarlama qatysýshysy nesıe alǵan bolsa, onda oǵan turǵyn úı izdep, satyp alý úshin 6 aı ýaqyt beriledi.
Qabyldanǵan ótinishterden belgili bolǵandaı, el turǵyndary «Naýryzǵa» aldyn-ala sanaly túrde daıyndalǵan. О́ıtkeni eń kóp ball syıaqy úshin esepteledi.
«Otbasy bank» otandastarymyzdy qoljetimdi sharttarmen turǵyn úı alýǵa qarjy jınaqtaýǵa úıretetindikten, ball sanaǵanda jınaqtardyń mólsherine erekshe kóńil bólinedi. Eń únemshil salymshylar «Naýryz» baǵdarlamasyna qatysýshylar tizimine enýge kóbirek múmkindik alady.
Ball qalaı esepteledi:
- depozıt boıynsha syıaqynyń mólsheri – ár 1 000 teńge syıaqy úshin 1 ball;
- tirkelgen nekesi bar azamattarǵa – 5 ball;
- balaly jandarǵa (balalar sanyna qaramastan) – 10 ball;
- áleýmettik osal top sanatyndaǵylarǵa – 10 ball;
- 35 jasqa deıin (qosa alǵanda) – 5 ball.
Mysaly, 1 000 ball jınaý úshin «Otbasy banktegi» depozıt boıynsha syıaqy kólemi 1 mln teńgege jetýi tıis. 500 ball – 500 myń teńge syıaqy úshin, 200 ball – 200 myń teńge syıaqy úshin beriledi. Eń bastysy – jınaqtaǵy aqsha emes, depozıt boıynsha alynǵan syıaqy. Onyń mólsheri depozıtti turaqty tolyqtyrý men salym merzimine baılanysty. Depozıtti árdaıym ári júıeli tolyqtyryp, ony uzaq ýaqyt boıy saqtaǵan saıyn syıaqy mólsheri arta beredi. Tek shotta mol soma bolǵany jetkiliksiz, eger onyń depozıtke salynǵan merzimi az bolsa, ball az bolyp esepteledi. Mysaly, qatysýshylar tiziminde eń kóp ball jınaǵandar – 2011-2013 jyldary depozıt ashyp, únemi tolyqtyryp otyrǵan turǵyndar eken. Iаǵnı, «Otbasy bankte» depozıtti erterek ashyp, ony jıi tolyqtyrǵan salymshylar jeńiske tezirek jetedi.
Mańyzdy jaıtty aıta ketsek, ótinishterdi retke qoıý tek baǵdarlamaǵa qatysýǵa ótinish bergender arasynda júrgiziledi. «Otbasy bank» eń joǵarǵy nemese eń tómen ball degen shekti ózi belgileı bermeıdi, bul mindet avtomatty júıege júktelgen. Júıe jınaǵan ball boıynsha qatysýshylardy joǵarydan tómenge deıin suryptaıdy. Mysaly, qazirgi ýaqytta eń joǵarǵy ball – 1556,47; al aldyńǵy irikteýlerde – 1 421,29 jáne 1 032,44 bolǵan.
«Otbasy bank»-tiń keńesteri
- otbasylyq paket sheńberinde jınaqtaý. Iаǵnı, turǵyn úıdi satyp alý úshin búkil otbasy birge jınaqtaıdy. Ár otbasy múshesi óz atyna depozıt ashady, júıeli túrde tolyqtyrady, al ótinish bergenge deıin shottardy bir depozıtke biriktirýge bolady.
- depozıtti úzbeı tolyqtyryp otyrýdyń mańyzy zor. Bir aı ishinde bir ret emes, qarjylyq múmkindigi bolsa, birneshe ret salym jasaý usynylady.
- zeınetke shyqqannan keıingi artyq aqshany depozıtke aýdarý. О́z zeınetaqy shotynyń jaǵdaıyn mezgil-mezgil tekserip otyrý kerek. Múmkin, shotta mınımaldy jetkilikti somadan artyǵyraq mólsherdegi soma bar shyǵar, eger bolsa, ony depozıtke baǵyttaýǵa bolady.
- sondaı-aq ıpotekalyq nesıe alý múmkindigi de qarastyrylǵan.
