foto: e-history.kz
Is-sharany uıymdastyrýshylar kórmeniń basty maqsaty ulttyq zergerlik ónerge degen qyzyǵýshylyq pen qurmetti arttyrý, zerger mamandyǵynyń bedelin kóterý, mádenı dástúrlerdi saqtaýdaǵy sheberler eńbeginiń mańyzyn aıqyndaý, sondaı-aq bul ónerdiń joǵary qundylyǵy men mánin kópshilikke kórsetý bolǵanyn tilge tıek etti.
Al, zerger Berik Álibaı bolsa, elimizde zergerlik ónerdiń táýelsizdik alǵannan keıin qaryshtap damı bastaǵanyn aıtty.
«Bizdi zergerlik saladaǵy táýelsizdiktiń alǵashqy qarlyǵashtary dep ataýǵa bolady. Tipti, dúnıejúzi boıynsha zergerlik buıymdar jasaýdan alda kelemiz. Qandaı óner saıystaryna barsaq ta, júldemen oralatynymyz sondyqtan», dedi zerger óz sózinde.
Jeltoqsan aıynyń sońyna deıin jalǵasyn tabatyn kórmege negizinen B. Álibaıdyń qolynan shyqqan áshekeıler, kıim elementteri, turmystyq buıymdar, kórkem týyndylar, sondaı-aq avtor birneshe onjyldyq boıy jınaǵan zergerlik buıymdardyń biregeı úlgileri qoıyldy.
Árbir eksponat halyq tarıhy, urpaqtar sabaqtastyǵynyń kýási. Ekspozısııa arqyly kórermen kúmistiń erekshe qýaty men tazalyǵyn, sondaı-aq onyń ulttyq mádenıettegi mańyzdy ornyn sezine alady. Avtordyń zergerlik buıymdary men kórkem týyndylary dástúrli qazaq naqyshtary men zamanaýı dızaınerlik sheshimderdiń úılesimin tapqan ózindik erekshe stılimen erekshelenedi.
Sondaı-aq, sýretshiniń eńbekteri Qytaı, Japonııa, Iran, Saýd Arabııasy, Katar, Túrkııa, Germanııa, Anglııa, Ispanııa, Oman sultandyǵy, Iordanııa, TMD elderi jáne basqa da memleketterdiń murajaılary men jeke kolleksııalarynda saqtaýly.
